A Győri Püspökség Körlevelei, 1900
Tartalomjegyzék
103 qua duo saecula connectuntur, ceu peculiari modo sacram et memorabilem, sacerdotes et fideles in adoratione ac deprecatione aeterni Numinis devote pervigiles ducerent; sed quum pariter negari et ignorari nequeat, in nostris regionibus, inter adjuncta praevigentia, divinum cultum et publicam devotionem nocturno tempore celebrare non ubique consultum censeri posse: ideo praevie circumscriptae devotionis nocturnae asservationem generaliter non injungo; sed an illa in singulis parochiis et respectivis ecclesiis de facto asservetur, nec ne? hujus decisionem, habita ratione adjunctorum localium, piae discretioni et prudenti judicio DD. Curatorum et Rectorum concernentium Ecclesiarum per omnia committo. In Ecclesia mea Cathedrali saepefata media nocte Missa solemnis celebrabitur etiam vice et nomine illorum locorum, in quibus nec Missa talis, nec praeindi- cata dovotio nocturna asservari congrue et condigne potest. 3. Die 1-a Januarii mane post salutationem Angelicam pariter solennis omnium Campanarum per mediam horam concentus annunciet et celebret novi saeculi exordium In Ecclesiis, ubi plures Missae celebrandae veniunt, initio primae Missae exponatur pro adoratione Augustissinum Sacramentum, expositumque maneat usque finem cultus divini antemeridiani, curando utique, ut continue adsint adoratores. Ubi vero unica tantum Missa celebratur, expositio Sanctissimi fiat hora matutina 7-a cum recitatione Litaniarum SS. Cordis Jesu, duretque usque finem Missae solemnis. In sacro Sermone argumenti instar aptissime adhiberi possunt ea, quae in Epistola Encyclica Beatissimi Patris de Christo Redemtore nuperrime edita (Cire. 1900. XIX) egregie plane proponuntur. Missa vero solemnis, ubi alia Missa noctu celebrata non fuit, incipiat cum hymno Veni Sancte Spiritus, additis versiculo et oratione, celebretur ubique cum Tantum ergo — Genitori, post ultimum Evangelium recitentur vernacula lingua 5 Pater et Ave, item formula commendationis ad SS. Cor Jesu, decantato denique Genitori detur benedictio cum SSmo Sacramento, quod dein ad tabernaculum reponatur. Ameridie cultus divinus servetur more in festis consueto sub exposito Sacramento cum dupplici benedictione. 4. Populus fidelis de his praecedenti Dominica ex ambone congrue edoceatur ac invitetur, ut singularis hujus solemnitatis devotionibus pio corde intervenire, ac votis Beatissimi Patris conformiter etiam indulgentiam plenariam tenore Decreti superius communicati huic soiemnitati adnexam lucrari satagat, cujus conditiones in eodem Decreto designatae sunt praevia confessio, non tamen in nocte peragenda et excipienda, porro Sacra Communio sive in devotione nocturna, sive ipso die festo sumenda, adoratio denique Sanctissimi Sacramenti expositi per integram horam cum precibus ad mentem Suae Sanctitatis fundendis. Moneantur tandem fideles, ut prima hac novi saeculi die devotiones suas jungant precibus Summi Pontificis, in spiritu assistentes Sacrificio Missae per Eundem hac die offerendo, in quo universum mundum misericordiae SS. Cordis Jesu commendabit et dedicabit. Jaurini, die 20-a Decembris 1900.
