A Győri Püspökség Körlevelei, 1899
Tartalomjegyzék
62 Nr. 1770. Facultas concessa Epis dispensandi super lege jejunii et abstinentiae in diebus majoris solemnitatis. Facultas concessa Epis dispensandi super lege jejunii et abstinentiae in diebus majoris solemnitatis, non valet pro feriis sextis et sabbatis intra Adventum, jejunio sonsecratis. Beatissime Pater, Per Decretum S. R. et U. Inquisitionis diei 5 Decembris 1894 (1), Sanctitas Vestra locorum Ordinariis concessit facultatem anticipandi atque ob gravissimas causas dispensandi super lege jejunii et abstinentiae, quando festum sub utroque praecepto servandum Patroni principalis aut Titularis Ecclesiae inciderit in ferias sextas aut sabbata per annum, excepto tempore Quadragesimae, diebus Quatuor Temporum et Vigiliis per annum jejunio consecratis. Jam vero in Hispania, per Decretum S. R. C. diei 2 Maii 1867 nonnullae Vigiliae jejunio consecratae per annum abrogatae fuerunt et jejunium translatum in singulas ferias sextas et sabbata Sacri Adventus. Ouare inlrascriptus Archiepiscopus Compostellanus humillime petit ut Sanctitas Vestra declarare dignetur utrum Ordinarii, vi Decreti 5 Decembris 1894, anticipare possint, vel etiam ob gravissimas causas dispensare a lege jejunii et abstinentiae in Feriis sextis et Sabbatis Adventus. Fer ia IV, die 15 Decembris 1897. In Congregatione generali S. R. et U. Inquisitionis habita ab Emis et Rmis DD. Cardinalibus in rebus fidei et morum Inquisitoribus Generalibus, proposito suprascripto dubio, praehabitopue RR. DD. Consultorum voto, fidem Emi ac Rmi Patres rescribendum mandarunt: Negative. Subsequenti vero Feria VI, die 17 eiusdem mensis et anni, in solita audientia R. P. D. Adsessori impertita, facta de his omnibus SSmo D. N. Leoni Div. Prov. Pp. XIII relatione, SSmus resolutionem Emorum Patrum adpro- bavit. I. C. Mancini, S. R. et U. Inquis. Not. Jaurini, die 10-a Augustii 1899. J~ocLnnes m. p., JLp is copiis.
