A Győri Püspökség Körlevelei, 1899
Tartalomjegyzék
13 Franciscus Lőrincz, parochus Barbacsensis, gravi et acerba infirmitate confectus, susceptis pie moribundorum Sacramentis, e vivis sublatus est die 7-a p. m. Februarii anno aetatis suae 58-0, sacerdotii 33-0. Dum animam fratris modestia et honestate conspicui, ut in aeternitate miseratione divina justorum praemiis laetificari mereatur, praescriptis ad aram suffragiis commendo, simul beneficium, quod in vivis tenuit, parochiale Barbacsense vacans redditum concursui publico usque diem 15-am curr. mensis Martii expono, competituros nulli quoad requisitam habilitatem difficultati obnoxios eo inviando, ut recursus suos Celsissimo Principi Nicolao Esterházy ceu Patrono inscribendos eousque horsum exhibeant. Jaurini, die 2-a Martii 1899. Nr. 537. Obitus Francisci Lőrincz et concursus pro beneficio parochiali in Barbacs. Paulus Szalay, S. Sedis Cons. Assessor, Districtus Kisbérensis Vice-Archi- Diaconus, parochus Dadensis, apoplexia tactus, susceptis tamen pie moribundorum Sacramentis recreatus obiit die 22-a p. m. Februarii anno aetatis suae 59-0, sacerdotii 35-0. Sacerdotis in cura animarum zelosi, in litteratura ecclesiastica laboriosi, in obeundis officiorum partibus solertis animam, ut in aeternitate electorum consortio miseratione divina jungi mereatur, solitis piis ad aram suffragiis commendo ac simul notum reddo, eum quidquid in dictis seu scriptis quoad Ecclesiae catholicae doctrinam et disciplinam minus correcte, minus castigate protulisset, id ceu non scriptum, non prolatum haberi ope testamenti sui petiit. Vacans redditum autem beneficium, quod tenuit, parochiale Dadense publico concursui usque diem 15-am curr. mensis Martii duraturo praesentibus expono, illud obtinere cupientes requisita adprobatione praeditos eo inviando, ut recursus suos Patrono Excellmo Dno Comiti Mauritio Esterházy inscribendos eousque horsum exhibeant. Jaurini, die 2-a Martii 1899. Nr. 538. Obitus Pauli Szalay et concursus pro beneficio parochiali in Dad. \ D. Ernestus Veninger, parochus O-Szőnyensis, nominatus est Districtus Kisbérensis Vice-Archi-Diaconus. D. Joannes Freyler in parochiale beneficium Zurányense, quod administrabat, canonice institutus est. D. Martinu s Mersi ch, cooperator in Szabad-Báránd, obtinuit beneficium parochiale in Kőhalom. D. Joannes Horváth, cooperator in Győrnádorváros, institutus est parochus in Téth. D. Ludovicus Borossáy, cooperator in Barbacs, constitutus est, ibidem parochiae administrator interimalis. Nr. 539. Mutationes in Clero.
