A Győri Püspökség Körlevelei, 1897
Tartalomjegyzék
22 Hac libenter utor occasione, ut meum erga Excellentiam Vestram obsequium pandam. Humillimus addictissimus famulus j C. Archiepiscopus Sebastenus Nuntius Apostolicus. Intellectis tenoribus hujus provocationis pro collectione Symbolarum designo i. Festum SS. Petri et Pauli Apostolorum, 2. Festum Patrocinii B. M. V. mense Novembri, sicut hactenus observatum est. Quod suo tempore in Directorio quoque notabitur. Jaurini, die 24-a Februarii 1897. Nr. 509. Obitus Josephi Kokas, Canonici Lectoris C. E. J. Josephus Kokas, Praepositus B. M. V. de Mayk, C. E. Jaurin. Canonicus Fector, Causarum Auditor Generalis, longiori gravi infirmitate exemplari cum patientia et in voluntatem divinam resignatione tolerata viribus exhaustus, susceptis identidem piissime Sacramentis, placide in Domino obdormivit die 15-a curr. mensis Februarii, anno aetatis suae 75-0, sacerdotii 50-0. Plurimi de Hon. Clero Dioecesano propria et immediata experientia in eo, qui maximam vitae suae sacerdotalis partem, imo ipsas animi vires, in educatione et institutione Cleri junioris consumsit, didicerunt venerari sacerdotem vere pium, ingenuum, moribus gravem, conversatione modestum et affabilem, in explendis munerum partibus, nec raro nec brevi tempore arduis et adcumulatis, conscientiosissimum, animi candore conspicuum, miseriis humanis compatientem et beneficum. Dilexit ille insuper vere decorem domus Dei, nobili largitate aedes sacras instaurans, decorans, et pretiosis donariis locupletans. Seminarii quoque Dioecesani specialis benefactor non una vice notabili summa dotem ejus auxit. In extremae voluntatis tabulis denique plura et grandia legata in varios pietatis et beneficentiae fines constituit. Oremus solita ad aram suffragia persolventes, ut pia haec anima, mortalis vitae naevis miseratione divina soluta, in aeternitate Sanctorum gloriae particeps fieri digna reperiatur. Jaurini, die 24-a Februarii 1897. Nr. 510. Concursus pro beneficio parochiali in Bana. Pro beneficio parochiali in Bana per legitimam resignationem vacante reddito hisce concursum usque diem 15-am proximi mensis Martii duraturum publico, competituros de jure habiles eo inviando, ut recursus suos Excellmo D. Cultus ac pubi. Instit. R. H. Ministro, ceu Patronatus, Fundi Religionis Hung., repraesentanti inscribendos, normalique tymbro providendos eousque horsum exhibeant. Jaurini, die 24-a Februarii 1897. Beneficium párochiale Harka per legitimam resignationem vacans redditum praesentibus publico concursui usque diem 15-am proximi mensis Martii duraturo exponendo, illud obtinere volentes, requisita adprobatione provisos, eo invio, ut recursus suos Patrono, L. R. Civitati Soproniensi, inscribendos eousque horsum exhibeant. Jaurini, die 24-a Februarii 1897. Nr. 511. Concursus pro beneficio parochiali in Harka.
