A Győri Püspökség Körlevelei, 1897
Tartalomjegyzék
IO S. Congregatio Indulgentiarum eatenus pro congrua provisione interpellata, sub 23-a Januarii 1896. reinviavit ad Decretum ddo 6. Aug. 1757. pro tali casu editum, in quo ita provisum est: »Pro publico Viae Crucis exercitio, quando perturbatio excitari potest, observetur methodus a P. Leonardo a Porto Mauritio proposita, ut videlicet, unoquoque de populo suum locum tenente, sacerdos cum duobus clericis sive cantoribus circumeat, ac sistens in qualibet statione, ibi recitet peculiares consuetas preces, ceteris alternatim respondentibus.« Jaurini, die 11-a Februarii 1897. Nr. 394. Indulgentiae adnexae recitationi orationis »Angelus Domini« et antiphonae »Regina Coeli.« Calcedonius Mancini Presbyter Congregationis Missionis et Redactor »Ephemeridum Liturgicarum« duorum insequendum dubiorum a Sacra Congregatione Indulgentiis Sacrisque Reliquiis praeposita solutionem humiliter postulat: I. An in Sabbatis Quadragesimae, in quibus Vesperae anticipantur ante meridiem, oratio »Angelus Domini« ipso in meridie recitari debeat stando, ut recitatur stando antiphona finalis Vesperarum, an potius fiexis genibus, ad Indulgentias lucrandas ? II. An juxta normas praescriptas a Sylloge authentica Orationum et piorum Exercitiorum, edita a S. Cong. Indulgentiarum anno 1886. decreto diei 21. Maji, ad lucrandas Indulgentias Sabbato infra Octavam Pentecostes recitanda sit, meridie, oratio »Angelus Dni«, vel antiphona »Regina Coeli ?« Et in plenaria Congregatione die 5. Martii 1896. in Aedibus Vaticanis habita. Patres Cardinales responderunt: »Consulendum SSmo pro opportuna declaratione quoad utrumque dubium.« Die vero 20. Maji ejusdem anni in Audentia habita ab infrascripto Cardinali S. Congr. Praefecto, SSmus D. N. Leo Papa XIII. benigne declaravit: in Sabbatis Quadragesimae orationem ..Angelus Dominimeridie, recitandam esse stando: Sabbato vero intra Octavam Pentecostes, meridie, recitandam esse antiphonam „Regina Coeli.“ Datum Romae ex Secretaria ejusdem S. Congregationis, die 20. Maji 1896. A. Card. Steinhuber, Praef. A. Archiep. Nicopolit., Secret. Jaurini, die 1 i-a Februarii 1897. Nr. 395. Festum S. Thomae Can- tuariensis E. M. ad rit. dupl. minor, elevatum. Decretum. Sanctissimus Dominus Noster Leo PapaXIII. referente infrascripto Cardinali Sacrae Rituum Congregationi Praelecto, communia vota Emorum et Rmorum Patrum Sacris tuendis Ritibus praepositorum libenter excipiens, Festum Sancti Thomae Episcopi Cantuariensis et Martyris ad ritum duplicem minorem pro universa Ecclesia evehere dignatus est; illudque sub praedicto ritu in Calendario Universali et in novis editionibus Breviarii Romani deinceps inscribi decrevit. Contrariis non obstantibus quicuscumque. Die 24. Februarii 1896. Caj. Card. Aloisr-Masella, S. R. C. Praef. (L. S.) A. Tripepi, Secretarius. Jaurini, die 11-a Februarii 1897.
