A Győri Püspökség Körlevelei, 1894
Tartalomjegyzék
communico eum in finem, ut in vestris ad populum sermonibus, prout adjuncta suaserint, iis uti possitis. Ultro procedentes videamus, quid nobis agendum. In Circularibus nuperrime expeditis provocavi vos et fidelem populum in genere ad implorandum divinum auxilium: nunc in specie sequentia dispono. Dominicis Sacrae Quadragesimae usque Dominicam «Judica» inclusive, praemisso sermone de perplexo statu rerum nostrae Ecclesiae, post Sacrum Con- ventuale respective parochiale, coram exposito Venerabili in Ciborio, oretis Dilectissimi cum fidelibus quinquies Pater et Ave in honorem Quinque Vulnerum D. N. Jesu Christi, insequenti autem feria VI. ante Palmas, in festo nempe Dolorum B. M. Virginis septies Pater et Ave in honorem Septem Dolorum amarissimae Deiparae. Preces tum hac die, tum prioribus Dominicis oratio «Deus refugium nostrum» concludat. Haec hac vice. Dominus Jesus Salvator noster, in cujus Sacrum Cor et sacra vulnera commendamus et suscipi petimus nos, nostros fideles, universamque Ecclesiam, quam adquisivit sanguine suo, utinam propitius exaudiat intercessionem Sacratissimae Suae Matris, precesque Ecclesiae Suae Sanctae! Denique moneo vos, Dilectissimi, ut virili animo agite rem Ecclesiae nostrae. Ecce enim vix percrebuerat fama eorum, quae Budapestini in Catholicorum Conventu facta dictaque sunt, vix inquam domum reversi fideles —• sicut olirn Parthi et Medi et Elamitae e festo Pentecostes reduces —, enarrarunt contribulibus suis magnalia, quae viderant et audiverant: mox tam in pagellis publicis, quam in conventiculis singulorum prolatae sunt sententiae in contrarium, manifestatae etiam ab illis, qui, ut ipsi jurant, »bonoium Catholicorum« nomine gloriantur. Hi »boni Catholici« eorumque consortes, quidquid idolo liberalismi, rectius pseudoliberalismi adversatur, hoc depromtis e penu scommatum dicteriis obruere et conculcare adnituntur, aliter sentientes literario suo terrorismo ad obmutescendum cogere — si valerent — parati. Ultramontanismus, obscurantismus, clericalismus, fanatismus et his similes eorum expressiones in reliquo toties jam adhibitae sunt, ut frequenti usu earum acies et pungendi aculeus jam obtusus sit, piperis austeritatem jam pridem amiserint, vim mordendi denique debiles tantum metuant, sentiat autem et curet nemo. Vos itaque Dilectissimi horum «bonorum Catholicorum» et sociorum furori minime cedite, sed durate, constantes in fide et amore Sanctae Matris nostrae Ecclesiae, et gratiam Domini nostri Jesu Christi, in hac pugna dirigentem et confortantem, jugi devotione implorare nunquam cessate. Deus nos tueatur Omnipotens. 6 A kath. nagygyűlés határozatai Budapesten, 1894. január 16-án. I. A katholikusok kötelességei. Kimondja a nagygyűlés: Nem elég minden egyesnek vallásos életet élni, és az egyház rendeletéi szerint a szentségekben részesülni: hanem kötelessége egyszersmind hitét a közéletben is vallani.
