A Győri Püspökség Körlevelei, 1894
Tartalomjegyzék
35 Nr. VII. Confectis et revisis Rationibus, de Cassis centralibus Dioeceseos pro anno 1893. redditis, cunctisque adjunctis ad examen revocatis tandem successit voto Honorabilis Cleri identidem manifestato respondere, pensionemque DD. Sacerdotum Dioeceseos quiescentium, prout vires cassarum admiserint, augere. In sessione nempe Consistoriali me hodie praeside celebrata statutum est, ut a die 1. Januarii 1894. computando sequens sit annua pensio sacerdotum: i. In collegio S. Ladislai primus accipiet annuos 800 florenos, caeteri Nr. 754. Pensiones quiescentiuir Sacerdotum et salaria cooperatorum aucta. quattuor singuli annuos 700 florenos. 2. Alii quiescentes, ob senium vel diuturnam infirmitatem ad labores ] astorales non apti, sine respectu ad numerum annorum servitii, annuos 600 florenos. 3. Qui infirmitate, ut sperari potest, transeunte impediuntur in servitio, accipient curae suae medicae conveniens juvamen usque novam sui adplicationem. 4. Qui vero in statum quietis poenae instar remissi sunt, vel talibus in adjunctis constituti refugium in recessu ipsi quaesierunt, officium relinquere coacti, annuos 400 florenos accipient. Domus porro Deficientium de horum hospitio et calefactione providebit, victum tamen et vestitum sibi e pensione sua procurare debent. 5. Qui in statu quietis aliquod beneficium tenent, hujus redditus exinte- grabuntur usque summam superius sub nr. 2. specificatam. Tales sunt capellani castrenses pensionati, capellani domestici apud inclytas familias etc. Excipitur custos Capellae S. Joannis Nepomuceni ad pontem Rábcza Jaurini ob valde exiguam hoc titulo remunerationem. Quietantia mittenda est semper una, ad Rectorem Seminarii Majoris, de summae annuae rata quadrantali. Rectoris erit illam e Cassis Fundi Deficientium et fundi Auxiliaris colligere. Domini Parochi, qui capellanos habent ob suam infirmitatem, horum salarium in annuis 200 florenis e Cassa Fundi Auxiliaris levabunt. Capellanorum salarium annuum, concurrente Fundo Dioecesano, ad 200 florenos exintegratur a die 1. Maji anni currentis ita, ut prima aucta perceptio de dimidio salarii sit 1. Novembris 1894. Summae nempe hactenus acceptae adjicietur augmenti dimidium in 25 florenis. Haec e nova subsidii cassa. DD. Parochi, qui e nova subsidii cassa hactenus acceperunt subsidium, hoc deinceps quoque accipient. Commissio in reliquo regnicolaris, quae Congruae rem nunc pertractat, et pro adornanda conscriptione beneficiorum generali fassiones documentis firmandas proxime colliget, determinabit statum proventuum beneficialium. Denique provoco DD. Sacerdotes, ut ad cassam Fundi Auxiliaris saltem suo «minimo» cuncti, minime exceptis ipsis pensionatis, concurrant, justitia hoc postulante. Jaurini, die 16-a Aprilis 1894.
