A Győri Püspökség Körlevelei, 1893
Tartalomjegyzék
22 Nr. 708. Officium et Missa festi Apparitionis B.-M.-V. de Lourdes, et B. Jolantae concessa. regnas in saecula saeculorum» centum dies de injunctis eis seu alias quomodolibet debitis poenitentiis in forma Ecclesiae consueta relaxamus. Quas omnes et singulas Indulgentias, peccatorum remissiones ac poenitentiarum relaxationes etiam animabus Christifidelium, quae Deo in charitate conjunctae ab hac luce migraverint, per modum suffragii applicari posse largimur. Praeterea Auctoritate Nostra Apostolica concedimus, ut Missas, quas Consociationis Presbyteri pro cujuscunque Sodalis anima, quae Deo in charitate conjuncta ab hac luce migraverit, ad quodlibet altare celebrabunt, animae ipsi, pro qua celebratae fuerint, perinde suffragentur, acsi ad pri- vilegiatum altare fuissent celebratae. Non obstante Nostra et Cancellariae Apostolicae regula de non concedendis Indulgentiis ad instar aliisque Constitutionibus et Ordin. Apostolicis ceterisque contrariis quibuscunque. Praesentibus ad Decennium valituris. Datum Romae apud S. Petrum sub annulo Piscatoris die XVII. Martii MDCCCXCIII. Pontificatus Nostn An. Decimosexto. (Loc. Sig.) S. Card. Vannutelli. — Reverenter percepi die 25. Martii 1893. et publicavi. Joannes m. p. Episcopus Jaurinen. Jaurini, die 5-a Aprilis 1893. Votis complurium H. Sacerdotum Dioecesis meae libentissime deferre gestiens, supplex factus sum Beatissimo Patri nostro Leoni PP. XIII. pro gratia celebrandi festum Adparitionis B.-M.-.V. in Lourdes, item pro gratia celebrandi memoriam B. Jolantae, sororis germanae BB. Margaritae et Cunigundae Filiarum Belae IV. Regis, cum Missa et Officio. Voti compos factus agam, ut tum Missa, tum Officium utriusque debito tempore Ecclesiis nostris, pro proximi jam anni Directorio, submitti possint. Tenores Concessionis in sequentibus exhibentur: I. «22/G. Jaur i en. Rmus Dnus Joannes Zalka hodiernus Episcopus Jaurien. votis etiam Cleri et Populi sibi commissi libenter obsecundans, qui Deiparae Virginis Immaculatum Conceptum magno pietatis studio prosequuntur, Sanctissimum Dominum Nostrum Leonem Papam XIII. supplex rogavit, ut in Kalendario ac Proprio ad usum ipsius Dioeceseos Jaurien. diei decimae septimae Februarii sub ritu Duplicis majoris affigi valeat festum Apparitionis Beatae Mariae Virginis Immaculatae, vulgo de L o u r des, cum Officio ac Missa pro Dioecesi Tarbiensi approbatis. Sacra porro Rituum Congregatio, utendo facultatibus sibi specialiter ab eodem Sanctissimo Domino Nostro tributis, benigne annuit pro gratia juxta preces: servatis Rubricis. Contrariis non obstantibus quibuscunque. Die 18. Martii 1893. Caj. Card. Aloisi-Masella, Praef.» II. «24/G. Jaurien. Rmus Dnus Joannes Zalka Episcopus Jaurien. votis quoque Cleri sibi commissi libenter obsecundans, Sanctissimum Dominum Nostrum Leonem Papam XIII. supplex rogavit, ut in Kalendario ac Proprio ad usum suae Dioeceseos die 17. Junii inseri valeat sub ritu Duplicis minoris festum Beatae J o 1 a n t a e Ducissae Viduae, quam una cum Beatis Sororibus Margarita et Cuni- gunda magna veneratione Christifideles Hungáriáé prosequuntur, cum Officio ac Missa Ordini Minorum S. Erancisci jamdudum concessis. Sacra porro Rituum Congregatio, vigore facultatum ab eodem Sanetissimo Domino nostro sibi specialiter tributarum benigne annuit pro gratia juxta preces: servatis Rubricis. Contrariis non obstantibus quibuscumque. Die 23. Martii 1893. Caj. Card. Aloisi-Masella, Praef.» Jaurini, die 5-a Aprilis 1893.
