A Győri Püspökség Körlevelei, 1892
Tartalomjegyzék
81 Nr. XVII. Auctis admodum ex singulari Dei beneficio votorum simplicium Institutis, uti multa inde bona oriuntur, ita aliqua parit incommoda facilis alumnorum hujusmodi societatum egressus, et consequens, ex jure constituto, regressus in dioecesim originis. Haec autem graviora efficit temporalium bonorum inopia, qua nunc Ecclesia premitur, unde Episcopi saepe providere nequeunt, ut illi vitam honeste traducant. Haec, aliaque id genus, etiam de alumnis Ordinum votorum solemnium, perpendentes nonnulli Sacri locorum Antistites, pro Ecclesiastici ordinis decore et fidelium aedificatione, ab Apostolica Sede enixis precibus postularunt, remedium aliquod adhiberi. Cum ergo totum negotium SSmus D. N. Leo PP. XIII. detulisset Sacrae huic Congregationi Episcoporum et Regularium negotiis et consultationibus praepositae) Emi Patres in Conventu plenario habito in Vaticanis aedibus die 29. mens. Augusti 1892., praevio maturo examine ac discussione, perpensaque universa rei ratione, opportunas edere censuerunt dispositiones per generale Decretum ubique locorum perpetuis futuris temporibus servandas. Quas cum SS. D. N. in Audientia die 23. Sept. hujus anni 1892. infrascripto Secretario benigne impertita probare et confirmare dignatus fuerit, ea quae sequuntur per praesens Decretum Apostolica Auctoritate statuuntur et decernuntur. I. Firmis remanentibus Constitutione S. Pii V. diei 14. Oct. anni 1568. incipiente Romanus Fontifex, et declaratione sa. me. Pii PP. IX. edita die 12. mens. Junii anni 1858. quibus Superioribus Ordinum Regularium prohibetur, ne litteras di- missoriales concedant novitiis aut professis votorum simplicium triennalium ad hoc, ut titulo Paupertatis ad SS. Ordines promoveri valeant, eaedem dispositiones extenduntur etiam ad Instituta votorum simplicium ita, ut horum Institutorum Superiores non possint in posterum litteras dimissoriales concedere pro SS. Ordinibus, vel quomodocumque ad sacros Ordines alumnos promovere titulo Mensae communis, vel Missionis, nisi illis tantum alumnis, qui vota quidem simplicia, sed perpetua jam emiserint, et proprio Instituto stabiliter aggregati fuerint; vel qui saltem per triennium permanserint in votis simplicibus temporaneis quoad ea Instituta, quae ultra triennium perpetuam differunt professionem. Revocatis ad hunc effectum omnibus induitis ac privilegiis jam obtentis a S. Sede, necnon dispositionibus contrariis in respectivis Constitutionibus contentis, etsi tales Constitutiones fuerint a S. Sede Apostolica approbatae. II. Hinc notum sit oportet de generali regula haud in posterum dispensatum iri, ut ad Majores Ordines alumnus Congregationis votorum solemnium promoveatur, quin prius solemnem professionem emiserit, vel per integrum triennium in votis simplicibus perseveraverit, si alumnus Instituto votorum simplicium sit addictus. — Quod si interdum causa legitima occurrat, cur quispiam Sacros Ordines suscipiat triennio Nr. 2827. Decretum S. Congr. Episc. et Regül, de ordinandis alumnis votorum solem- nium ac simplicium.
