A Győri Püspökség Körlevelei, 1892
Tartalomjegyzék
69 Nr. XV. S. Romanae et universali Inquisitioni quoad quaedam puncta Constitutionis «Apostolicae Sedis» fine solutionis insequentia dubia proposita sunt: I. Utrum scienter legentes publicationes periodicas in fasciculos ligatas, habentes auctorem haereticum et haeresim propugnantes, excommunicationem incurrant, de qua Bulla «Apóst. Sedis» 12. Octob. 1869 in excom. R. Pontifici speciali modo reservatis art. 2. II. Utrum per acta a S. Sede Apostolica profecta designentur tantum acta, quae immediate a S. Pontifice proficiscuntur, an etiam quae mediate a SS. RR. Congregationibus proveniunt ? III. Utrum absolventes complicem m re turpi cum ignorantia crassa et supina hanc excommunicationem incurrant, an non? IV. Utrum colligentes eleemosinas majoris pretii pro Missis, si eas celebrari faciunt in eodem loco, ubi collegerunt, pro minori pretio, hanc censuram incurrant, nec ne? V. Utrum clericus in sacris constitutus vel regularis aut monialis, si praeter impedimentum voti solemnis castitatis alia habeat impedimenta e. g. affinitatis, consanguinitatis, hanc censuram incurrant, an non ? VI. Quoad absolutionem censurarum specialiter reservatarum in articulo vel periculo mortis dubitatur: utrum infirmus, si convalescit et onus non adimplet se praesentandi Superiori, in eandem excommunicationem reincidat, an non? Ad has quaestiones S. Congr. in sessione die 13. Januarii a. 1892. habita respondit: Ad I. Affirmative. — Ad II. Negative ad 1. partem; affirmative ad 2. — Ad III. In casu, incurrere. —- Ad IV. Affirmative ad I. partem; negative ad 2. — Ad V. Incurrere. — Ad VI. Detur Decretum 19. Augusti 1891. super Dubiis, quae sequuntur: I.° An obligatio standi mandatis Ecclesiae in sensu Bullae «Apóst. Sedis» imposita sit sub poena reincidentiae vel non ? II.0 An obligatio standi mandatis Ecclesiae in sensu Bullae «Apóst. Sedis» idem sonet ac obligatio se sistendi coram S. Pontifice, vel an ab illa debeat distingui ? — Responsum: Ad I. Affirmative ad primam partem; negative ad secundam. Ad II. Obligationem standi mandatis Ecclesiae importare onus sive per se sive per Confessarium ad S. Pontificem recurrendi. Quae responsa Ssmus Dominus Noster Leo Papa XIII. in audientia die 13. Januarii a. 1892. ratihabere dignatus est. Ex cancellaria S. O. die 16. Januarii 1892. J. Mancini, S. R. et U. Inquis. Notarius. Jaurini, die 9-a Novembris 1892. Nr. 2536. Dubia quoad quasdam censuras S. Congr. Inquisit. proposita et soluta.
