A Győri Püspökség Körlevelei, 1891
Tartalomjegyzék
Nr. 552. Preces pro aegrotante Archi-Episcopo indicuntur. Admisit divina providentia, cujus nutibus vitae nostrae momenta decurrunt, ut gravi morbo visitaretur Eminentissimus ac Reverendissimus Dominus Archi- Episcopus Noster, qui dum praecedenti adhuc die plena mentis et corporis sanitate gauderet, sequenti ie. 19. huius, alti gradus cruciabatur jam febribus, quae hucusque non cessarunt. Non dubito, quin vos omnes Venerabiles ac Dilecti in Christo Fratres, quotquot hucusque de graviter aegrotante Arclupraesule Nostro tristem percepistis nun- cium, Deum Patrem omnipotentem Vestris interpellaveritis precibus, ut fidelem servum suum, Patrem Nostrum benignissimum, sanitati pristinae restituere, illumque gravissimis his temporibus Ecclesiae, patriae nobisque omnibus conservare dignetur. Quamvis itaque hortationis meae stimulis haud indigeatis, nihilo tamen minus, ut communiter una cum fidelibus ascendant ad Deum vota et precationes nostrae, praesentibus dispono : 1. Ut omnes Sacerdotes Archi-Dioecesani in Missa sumant collectam pro infirmo Archi-Episcopo, ex Missa quae habetur in Missali pro infirmis. 2. Post Missam parochialem et cultum divinum pomeridianum sacerdotes cum populo ad eandem intentionem orent quinque Pater noster et totidem Ave Maria, humillime rogantes Deum infirmitatis humanae singulare praesidium, ut super infirmum famulum suum Archi-Episcopum Nostrum ostendat virtutem, quatenus ope misericordiae ejus adjutus, Plcclesiae suae sanctae incolumis repraesentari mereatur. Datum S trigonii die 22. Januarii 1891. STEPHANUS MAJER m. p. el. Episcopus Stagnensis, Yicar. Generalis AEppalis Strigoniensis.
