A Győri Püspökség Körlevelei, 1891
Tartalomjegyzék
XVII. Venerabiles in Christo Fratres! UOD assiduis inde a tristissimo obitu luctuosoque funere Eminen- tissimi ac Rssimi Domini Joaunis Cardinalis Simor efflagitabamus precibus, ineffabilem misericordiam divinam exorantes,1) ut viduitatem suam lugenti matri nostrae, Ecclesiae Strigoniensi de sponso, nobis vero patre orbatis filiis, de pastore et patre providere dignetur, hoc jam largiente eadem misericordia divina feliciter assecuti sumus. Sua caes. et reg. apostolica Majestas, ope altissimae resolutionis ddto 27-ae Octobris a. c. Illustrissimum ac Rssmum Dominum CLAUDIUM FRANCISCUM VASZARY, antiquissimi ac celeberrimi regii ac exemti Arcbi-Coenobii S. Martini Episcopi et Confessoris de s. monte Pannoniae et aliarum ad s. Regni Hungáriáé coronam pertinentium Ordinis S. Benedicti Abbatiarum Arcbi-Abbatem, Ins. Ordinis Francisci Josephi I. Magnae Crucis Equitem, fidelissimum S. Benedicti Filium, Principem, Primatem Regni Hungáriáé et Arclii-Episcopum Strigo- niensem, clementissime nominare dignata est. Adorandae divinae providentiae, cui perennis est cura de Ecclesia, quam acquisivit sanguine suo Christus Dominus noster,2) digitum atque singularem nutum conspicimus in eo, quod clavo principis Ecclesiarum Regni Hungáriáé admoverit virum ex Ordine meritissimo S. Benedicti, cujus religiosa familia magno et hucusque ditavit Ecclesiam celeberrimorum virorum numero, qui in monasteriis Ordinis conformati dignique sunt effecti, ut summam Petri cathedram conscenderent, vel vero cardinalium, primatum, arcliiepiscoporum, episcoporum dignitate ornati, populo christiano praeessent. Magis autem qua Hungari coram paterna divinae providentiae dispositione genua flectimus levando oculos ad montem unde, prout ante mille fere annos, veniat auxilium nobis,3) ad sacrum quippe Pannoniae Montem et S. Martini Monasterium, cuius laudes historiographus patrius *) *) Miss. Rom. — 2) Act. Ap. 20, 28. — 3) Ps. 120, 1.
