A Győri Püspökség Körlevelei, 1889
Tartalomjegyzék
II tineat, quid virtus Christi redemptoris possit. — Hic annus, qui est in exitu, non pauca, ut initio diximus, reviviscentis fidei indicia praetulit. Utinam istiusmodi velut scintilla crescat in vehementem flammam, quae, absumptis vitiorum radicibus, viam celeriter expediat ad renovandos mores et salutaria capessenda. Nos quidem mystico Ecclesiae navigio tam adversa tempestate praepositi, mentem animumque in divinum gubernatorem defigimus, qui clavum tenens sedet non visus in puppi. Vides, Domine, ut undique eruperint venti, ut mare inhorrescat, magna vi excitatis fluctibus. Impera, quaesumus, qui solus potes, et ventis et mari. Redde hominum generi pacem veri nominis, quam mundus dare non potest, tranquillitatem ordinis. Scilicet munere impulsuque tuo referant sese homines ad ordinem debitum, restituta, ut oportet, pietate in Deum, iustitia et caritate in proximos, temperantia in semetipso3, domitis ratione cupiditatibus. Adveniat regnum tuum, tibique subesse ac servire ii quoque intelligant oportere, qui veritatem et salutem, te procul, vano labore exquirunt. Inest in legibus tuis aequitas ac lenitudo paterna: ad easque servandas ultro nobis ipse suppeditas expeditam virtute tua facultatem. Militia est vita hominis super terram, sed ipse certamen inspectas, et adiuvas hominem ut vincat, et deficientem sublevas, et vincentem coronas.1 Atque his sensibus erecto in spem laetam firmamque animo, munerum caelestium auspicem et benevolentiae Nostrae testem, vobis, Venerabiles Fratres, et Clero populoque catholico universo apostolicam benedictionem peramanter in Domino impertimus. Datum Romae apud S. Petrum ipso die natali D. N. lesu, An. MDCCCLXXXVIII, Pontificatus Nostri Vndecimo. LEO PP. XIII. Strigonii, die 8-a Januarii, 1889. Pro vacante per promotionem parochiali beneficio Pozsony-Virágvölgyensi «oncursus usque 15-am Februarii a. curr. duraturus publicatur. Strigonii, die 1-a Januarii 1889. Nr. 366 . í Concursus pro vacante parochia Pozsony- Vi rág völgy publicatur. Dies 27-a mensis Decembris anni elapsi suprema illuxit Stephano Sántha parocho Szobotistensi, qui pie susceptis moribundorum sacramentis eadem die horis meridianis vitales auras liquit atque ex hac mortali vita ad aliam in coelis im mortalem translatus est. Vixit annos 67, ab impositione manuum presbyterii 41-um. Cuius animam piis ad aram precibus commendo atque pro vacante taliter beneficio parochiali Szobotistensi concursum usque finem Februarii a. c. duraturum publico. Strigonii, die 10-a Januarii, 1889. Nr. 367. Obitus Caroli Sántha et concursus pro parochia Szobotistensi. Cf. S. Aug. in Ps. 32
