A Győri Püspökség Körlevelei, 1887

Tartalomjegyzék

25

V.

S. Patriarcha Benedictus in suo, quem in Monte Cassino fundavit, religiosorum virorum coetu, illustre perpetuoque duraturum sibi erexit monumentum me- ruitque, ut inter maximos humani generis benefactores recenseretur. Certe ex ordine Benedictinorum innumeri prodierunt Sancti, fulgentes sicut stellae coeli in perpetuas aeternitates, apostolico item zelo perciti viri, quibus Anglia, Germania aliaeque per Europam nationes suam ad fidem Christi conversionem debent. Viri porro excellenti doctrina et omnigena eruditione clarissimi, a quibus repetendum, quod in communi barbarie, quae post migrationem gentium Europae maximam partem invasit, scientiarum artiumque liberalium reliquiae ab interitu vindicatae fuerint. Benedictini Monachi erant, qui antiquiores codices descripserunt, qui scholas in suis claustris aperuerunt, bibliothecarum fundamenta jecerunt. Benedictini erant, qui in asperrimis Europae regionibus coenosas exsiccando paludes borridasque exstirpando silvas, agriculturam pecuniaremque rem promoverunt, primaque artium mechanicarum elementa invenerunt. Tot tantisque titulis de Ecclesia, de litteris et artibus, nec non de cultura bene merentem ordinem Sanctissimus Dominus Noster merita laude prosequitur, atque ut Romae florens antea S. Anselmi Collegium repristinent, amantissime hortatur ope subnexi, quod ad Arcbi-Episcopum Cataniensem direxit, rescripti:

VENERABILI FRATRI IOSEPHO BENEDICTO ARCHIEPISCOPO C AT ANIENSI

LEO PP. XIII.

VENERABILIS FRATER

SALUTEM ET APOSTOLICAM BENEDICTIONEM.

Quae diligenter ad Nos retulisti de consiliis in conventu susceptis Abbatum Casinensium, qui, te praeside, habitus modo est in hac Urbe, ea grata multum accepimus. Jam diu scilicet desiderio tenebamur istius extra ordinem conventus cogendi; qui etiam, ut nosti, quum antehac esset habendus sub tempus vernum, causis rerum quibusdam interceptus est. At enim hoc desiderium spes moverat et acuerat complurium utilitatum, quas censebamus profecturas inde esse certo in Ordinem Benedictinorum, cui studuimus semper, cui vel nuper testimonia tribuimus existimaNr. 1559.

Breve Apostoliénál de restaurando Benedictinorum S. An- selmiCollegio.