A Győri Püspökség Körlevelei, 1887
Tartalomjegyzék
21 sanctitate conspicuum, doctrina celebrem, aetate venerabilem, illius regni ac totius ubique Cleri decus et ornamentum. A quo seiungi nequit vir saecularis Thomas More Angliáé Cancellarius, quem idem Pontifex meritis extollit laudibus, utpote doctrinae litterarum sacrarum excellentem et veritatem adserere ausum. Idcirco praeclarissimi quique rerum ecclesiasticarum scriptores unanimi censent calculo eos omnes pro tuenda, restituenda, et conservanda Catholica Fide sanguinem fudisse. Quin etiam Gregorius XIII. plura in eorum honorem indulsit, quae ad publicum ecclesiasticum cultum pertinent: atque illud praecipuum, ut potestatem fecerit horum lipsana in consecrandis altaribus adhibendi, quando illa veterum Sanctorum Martyrum non suppeterent. Praeterea postquam in Templo S. Stephani ad Coelium montem Christi Martyrum Passiones per Nicolaum Circinianum udo tectorio pingi fecisset; permisit etiam, ut in Templo Sanctissimae Trinitatis Anglorum de Urbe, ab eodem auctore, eademque ratione Anglicanae Ecclesiae Martyres antiqui recentiorisque aevi pariter exhiberentur, quos inter illi etiam qui ab anno 1535. ad 1583. sub Henrico rege et Elisabetha pro Catholica Fide ac Romani Pontificis Primatu mortem obierant. Quae martyriorum repraesentationes eo in Templo depictae, videntibus ae probantibus Romanis Pontificibus Gregorii Successoribus, ad duo saecula permanserunt, donec nefariorum hominum iniuria sub finem elapsi saeculi perierunt. Mansere tamen illarum ectypa, quae anno 1584. Romae cum privilegio eiusdem Gregorii XIII. aere cusa fuerant, hoc apposito titulo : Sanctorum Martyrum, qui pro Christo, Catholicaeque Fidei veritate adserenda antiquo recentiorique persecutionum tempore mortem in Anglia subierunt, Passiones. Ex quo monumento, sive ob subiectum elogium, sive ob alia indubia indicia plures eiusmodi Martyres suo nomine comperti sunt, nempe quinquaginta quatuor. Sunt autem. Passi sub Henrico Rege: Ioannes Fischer, Episcopus Roffensis, S. R. R. Cardinalis — Thomas More, Angliáé Cancellarius — Margarita Pole, Comitissa Sa- lisburiensis, Cardinalis Poli Mater — Ricardus Reynolds, Ordinis S. Brigittáé — Ioannes Haile, Sacerdos; Octodecim Carthusiani, nimirum: Ioannes Houghton — Augustinus Webster — Robertus Laurence — Gulielmus Exmew — Humphredus Middlemore — Sebastianus Newdigate — Ioannes Rochester — Jacobus Walworth — Guilelmus Greenwood — Ioannes Davy — Robertus Salt — Gualterus Pierson — Thomas Johnson — Ricardus Bere, et Guilelmus Horne — Ioannes Forest, Sacerdos Ordinis S. Francisci — Ioannes Stone, Ordinis S. Augustini: Quatuor Sacerdotes Saeculares, Thomas Abel — Eduardus Powel — Ricardus Fetherston — Ioannes Larke, et Germanus Gardiner, laicus. Sub Elisabetha vero, Sacerdotes Cuthbertus Mayne — Ioannes Nelson — Everardus Hanse — Rudolphus Sherwin — Ioannes Payne — Thomas Ford — Ioannes Shert — Robertus Johnson — Gulielmus Fylby — Lucas Kirby — Laurentius Richardson — Gulielmus Lacy — Ricardus Kirkman — Iacobus Hudson, seu Tompson — Gulielmus Hart — Ricardus Thirkeld — Thomas Woodhouse, et Plumtree. Item tres Sacerdotes e Societate Iesu, Edmundus Campion, Alexander Briant, et Thomas Cottam. Denique Ioannes Storey, luris utriusque Doctor — Ioannes Felton, et Thomas Sherwood, laici. Horum tamen Martyrum causa ad haec usque tempora nunquam agitari
