A Győri Püspökség Körlevelei, 1886
Tartalomjegyzék
67 In medio victoriarum cursu Hex Leopoldus a. 1687. Hungáriáé Ordines Posonium excivit, ubi successio Regum haereditaria, antiquato electionis jure, additis certis clausulis, pro virilibus iisque natu maximis surculis augustae stirpis Habsburgicae stabilita est, et sacra Regni Corona capiti primi haereditarii Regis, Josepbi I. decimum aetatis annum agentis, a Regni grandaevo Primate Georgio Széchenyi ac Palatino Paulo Esterházy avito more imposita est. Exterminato orientali hoste sensim refloruere omnia. Amplissimae jam fere exstinctae Dioeceses resuscitatae, adtritae integritati redditae, aliae novae erectae. Ordines religiosi alii antiquas sedes occuparunt, alii novi in auxilium vocati; scholae ac convictus erecti, templa reparata, alia plurima e fundamentis exstructa. Culturae, civilisationis ac imperturbatae pacis adminicula undique conquisita. Innocentius PP. XI. e domo Principum Odescalchi, qui copias Christianorum Principum ad Budam pugnantium ingenti pecuniae vi ac fusis ad Deum inter lachrymas precibus adjuvit, in memoriam gloriosae victoriae diem 2-am Septembris, optante etiam Caesare, Sancto Stephano, cujus intercessioni victoriam hanc adtribuit, sacram esse voluit, et in universo orbe catholico ritu dupplici celebrari jussit. Benedictus itaque sit Dominus Deus, qui visitavit et fecit redemtionem plebis suae. Dignum profecto et aequum est Domino Deo, in cujus conspectum intravit gemitus compeditorum, quive recordatus est suarum antiquarum in patriam nostram miserationum, dignum, inquam, Deo, qui mutavit tempora et aetates, ex intimo corde gratias agere, atque Eum rogare, ut respiciat benignis oculis super Ecclesiam, patriam, Regem, populumve nostrum, detque pacem salutarem nobis cunctis diebus. Dilectissimi! Quo animus noster erga clementissimum Deum ejusque Sanctos gratitudine, erga augustissimum autem Regem ac charam patriam nostram infucato amore ac fidelitate infringi nescia jugiter feratur, nunc, post duo a reportato felici illo triumpho secula, publica solemnitate recolamus memoriam gestarum rerum, publicasque agamus Deo gratias, juxta ordinem, qui sequitur. 1. Dominica anniversarium victoriae praecedente publicetur fideli populo solemnitas sequentis Dominicae. 2. Dominica XII. post Pentecosten, 5-a Septembris, sub sacro sermone exponatur beneficii divini magnitudo cum congruis de amore patriae ac erga Regem fidelitate adhortationibus. 3. Post sacrum sermonem celebretur Missa solemnis, dein coram exposito Sanctissimo cantetur „Te Deum“ cum consueta oratione, deturque post Tantum ergo et Genitori benedictio. Utinam Dominus Deus, intercedentibus BMVirgine et S. Stephano Rege, hocce devotionis nostrae obsequium sereno vultu acceptare dignetur. Jaurini, die 27-a Julii 1886. A nagy-igmándi kántoriamtól állomás üresedésbe jővén, annak újabb betöltése czéljából ezennel f. é. augusztus hó 20-ig tartó pályázat hirdettetik, mely határidó'n beló'l a pályázók kelló'en fölszerelt s a nagy-igmándi kath. iskolaszékhez 14* 2281. sz. Pályázat a nagyigmándi kántortanitói állomásra.
