A Győri Püspökség Körlevelei, 1884
Tartalomjegyzék
43 et magnitudo necessitatis requirunt. Effert se insolenter, successu gestiens, secta Mas- sonum, nec ullum jam videtur pertinaciae factura modum. Asseclae ejus universi nefario quodam foedere et occulta consiliorum communitate juncti operam sibi mutuam tribuunt, et alteri alteros ad rerum malarum excitant audaciam. Oppugnatio tam vehemens propugnationem postulat parem : nimirum boni omnes amplissimam quamdam coeant opus est et agendi societatem et precandi. Ab eis itaque petimus, ut concordibus animis contra progredientem sectarum vim conferti immotique consistant : iidemque multum gementes tendant Deo manus supplices, ab eoque contendant, ut christianum floreat vigeatque nomen : necessaria libertate Ecclesia potiatur : redeant ad sanitatem devii : errores veritati, vitia virtuti aliquando concedant. — Adjutricem et interpretem adhibeamus Mariam Virginem matrem Dei, ut quae a conceptu ipso Satanam vicit, eadem se impertiat improbarum sectarum potentem, in quibus perspicuum est contumaces illos mali daemonis spiritus cum indomita perfidia et simulatione reviviscere. — Obtestemur principem Angelorum coelestium, depulsorem hostium infernorum, Michaelem: item Josephum \irginis sanctissimae sponsum, Ecclesiae catholicae patronum coelestem salutarem : Petrum et Paulum Apostolos magnos, fidei christianae satores et vindices invictos. Horum patrocinio et communium perseverantia precum futurum confidimus, ut conjecto in tot discrimina hominum generi opportune Deus benigneque succurrat. Coelestium vero munerum et benevolentiae Nostrae testem Vobis, Venerabiles Fratres, Clero populoque universo vigilantiae vestrae commisso Apostolicam Benedictionem peramanter in Domino impertimus. Datum Ilomae apud S. Petrum die XX. Aprilis An. MDCCCLXXXIV. Pontificatus Nostri Anno Septimo. LEO PP. XIII. Nunziatura Apostolica, Vienna. No. 5432. Excellentissime ac Heverendissime Domine! Honorem habeo certiorem reddendi Excellentiam Vestram Heverendissi- mam, una cum humanissimis Suis litteris die 11-a labentis mensis sub No. 545. datis rite me accepisse 2400 florenos a. v., quae pecunia pro sublevandis indigentiis Sanctae Sedis in Sua dioecesi per decursum anni 1883. instar obuli S. Petri collecta est. Pergratum mihi fuit officium curandi, ut hae piae oblationes, nulla interposita mora, ad pedes Suae Sanctitatis deponerentur, neque praetermisi, quin pro Excellentia Vestra Erna et pro omnibus fidelibus pastorali Suae curae concreditis Apostolicam benedictionem a Sanctissimo Patre implorarem. In reliquo cum sensibus profundissimae venerationis permaneo Viennae die 18-a Februarii 1884. Excellentiae Vestrae Reverendissimae addictissimus servus Seraphinus Archieppus Nicaenus, Nuntius Aplicus. Jaurini, die 26-a Aprilis 1884. Nr. 1341. Obuli S. Petri ad suam competentiam promoti.
