A Győri Püspökség Körlevelei, 1884
Tartalomjegyzék
9 confisus, quam Sacri Rosarii Mariani nomine primus instituit, et per se suosque Alumnos longe lateque disseminavit. Admirabilem hanc orandi formulam nobilis instar tesserae Christianae pietatis Catholici semper habere consueverunt. Quare vix ac Sanctissimus Dominus Noster Leo Papa XIII. ad opem a Jesu Christo per Mariam Virginem Ejus Matrem praesentibus necessitatibus impetrandam, integrum mensem Octobrem Rosarii precibus in toto catholico Orbe hoc anno exigendum, encyclicis datis Litteris, indixit: ubique sacrorum Antistites et fideles populi, supremi Pastoris voluntati obtemperantes, frequentissima Rosarii recitatione pietatis suae et dilectionis erga Dei Matrem peramantissimam splendida argumenta exhibuerunt, certam spem foventes se, eadem Beatissima Virgine opitulante, a coelesti misericordiarum Patre in praesentibus tam privatis, quam communibus christianae reipublicae calamitatibus efficacius optata subsidia impetraturos. Jamvero Sanctissimus idem Dominus Noster summopere cupiens tum augeri cultum erga ipsam augustam Dei Genitricem hac praesertim orandi consuetudine eidem Virgini gratissima, tum Cbristifideles ad hoc obsequium Ei praestandum magis magisque excitari, humillimas preces sibi oblatas a Rmo Patre Josepho Maria Larroca, Magistro Generali Ordinis Praedicatorum, nimirum ut Litaniis Lauretanis addendam indulgeat Reginae a Rosario invocationem, quae jamdudum apud Dominicianam Familiam in usu est, benigne ac perlibenter excepit. Voluit propterea Sanctitas Sua praecepitque, ut ceteris Litaniarum Lauretanarum beatae Mariae praeconiis, et hoc in Ecclesia universa in posterum addatur postremo loco, scilicet „Regina Sacratissimi Rosarii, ora pro nobis“. Mandavit praeterea super his expediri Litteras in forma Brevis. Contrariis non obstantibus quibuscumque. Die 10. Decembris 1883. D. CARDINALIS BAR- TOLINIUS S. R. C. Praefectus. L. + S. Laurentius Salvati S. R. C. Secretarius. Velint DD. Curati de mandato hoc Apostolico etiam Cantores et praeora- tores congrue instruere. Jaurini, die 7-a Februarii 1884. Ex subnexo Decreto Urbis et Orbis intelligent DD. Sacerdotes mandatum SSmi Domini Nostri Leonis PP. XIII., quo praecipitur, ut post Sacrum quodcunque lectum a quovis Sacerdote ad aram genibus flexis recitentur amodo in universo orbe catholico preces in Decreto descriptae et in ditione Pontificia jam a pluribus annis usuvenientes. DECRETUM URBIS ET ORBIS. Jam inde ab anno MDCCCLIX. sa. me. Pius PP. IX., ad impetrandam Dei opem, quam tempora difficilia et aspera flagitabant, praecepit, ut in templis omnibus Ditionis Pontificiae certae preces, quibus sacras Indulgentias adjunxerat, per8* Nr. 472. Preces post Missam lectam de mandato Apostolico recitandae.
