A Győri Püspökség Körlevelei, 1883
Tartalomjegyzék
55 DECRETUM URBIS ET ORBIS. Saecularia solemnia magno cum Catholici populi gaudio, ob inclyti Monachorum in Occidente Patris legiferi, et Assisiensis seraphici Patriarchae memoriam superioribus annis celebrata, plurimorum desiderium excitarunt, ut incrementi aliquid acciperet cultus per annos singulos ab Ecclesia universa impendi solitus his sanctis Coelitibus, ex quibus ingentem quamdam beneficiorum vim in christianam civilem - que rempublicam influxisse miramur. Id vel magis hodie convenire merito putaverunt, ne videlicet in posterum, ob immutatam Rubricam de Translatione Festorum, illorum officia, praecipue vero Monachorum praeclarissimi Parentis, saepe saepius ad modum simplicis ritus reduci, aut penitus omitti contingat. Sanctissimus autem Dominus Noster Leo Papa XIII. pro sua speciali atque eximia erga utrumque admirabilem Institutorem pietate et religione, accedentibus etiam aliquorum Sacrorum Antistitum postulationibus sibi humillime porrectis, votis hisce prono ac libenti animo obsecundare decrevit. Voluit tamen ab hoc honore minime sejungi Sanctum Dominicum Gusmanum, qui cum Familiae Minoriticae Patriarcha amicitiae arcto vinculo in caritate colligatus „integritatem coelestium doctrinarum tuebatur, pravosque haereticorum errores luce christianae sapientiae per eadem tempora depellebat, quibus ille, ad grandia ducente Deo, id impetravit, ut ad virtutem excitaret christianos homines, et diu multumque devios ad imitationem Christi traduceret.“ (In Ep. Encycl. SSmi Dni Nostri 17. Septembr. 1882.) Praecepit igitur Sanctitas Sua, ut festa Sanctorum Confessorum benedicti Abbatis die 21. Martii, Dominici Gusmani 4. Augusti et Fran- cisci Assisiensis 4. Octobris, in Kalendario universalis Ecclesiae hactenus sub ritu duplici minori inscripta, ad ritum duplicem majorem evehantur. Mandavit praeterea de hoc per Sacrorum Rituum Congregationem praesens edi decretum, quod anno proxime insequente ubivis erit executioni tradendum. Contrariis non obstantibus quibuscumque. Die 5. Aprilis 1883. L. f S. D. Cardinalis Bartolinius S. R. C. Praefectus. Laurentius Salvati S. R. C. Secretarius. Jaurini, die 16-a Julii 1883. Nr. 2071. Festa SS. Benedicti, Domi • nici et Fran- cisci Ser. ad ritum dupl. maj. evecta. NITR1EN. Quum ex apostolico Brevi sub die 28-a Julii anni superioris edito rubrica generalis Breviarii Romani lit. X. de translatione Festorum hoc sensu mutata sit, videlicet: „Festa duplicia minora (exceptis illis Sanctorum Ecclesiae Doctorum) et 16 Nr. 2072. Rescriptum S. R. C. de translatione festorum.
