A Győri Püspökség Körlevelei, 1883

Tartalomjegyzék

51

gulari legantur, quos Custodes seu Guardiani, si id rogati fuerint, designabunt. Visitatoris munere fungi laicis viris interdictum esto.

§. IV. Sodales nec obedientes et noxii iterum et tertium admoneantur officii sui: ni pareant, excedere Ordine iubeantur.

§. V. In his legibus si qui forte quid deliquerint, hoc se nomine culpam suscepturos nullam sciant, exceptis iis, quae jure divino Ecclesiaeve legibus alioquin praecipiuntur.

§. VI. Si quae hujus capita legis quem quam servare causa gravis et justa prohibeat, eum ex ea parte lege solvi, eademve capita commutari prudenter liceat. Cujus rei Praefectis ordinariis Franciscalium et Primi Ordinis et Tertii, item Visitatoribus supra dictis facultas potestasque sit.

INDEX INDULGENTIARUM ET PRIVILEGIORUM.

CAP. I.

De indulgentiis plenariis.

Tertiariis ex utroque sexu singulis, qui admissorum confessione ritu ehri- stiano expiati sacram Eucharistiam sumpserint, Indulgentiam plenariam consequendi jus sit, diebus et causis, quae infra scriptae sunt:

I. Die aditiali:

II. Quo die singuli Ordinem primitus profitentur:

III. Quo die ad concionem menstruam seu Conferentiam conveniunt, si modo templum aliquod publicumve sacrarium pietatis causa adierint, remque Christianam Deo de more commendaverint:

IV. Die IV. Octobris, natali Francisci Patris legiferi: die XII. Augusti, natali Clarae Virginis legiferae : die II. Augusti, festo Mariae Angelorum reginae ob Basilicam eius dedicatam : item quo die solemnia anniversaria aguntur Sancti caelitis, in cuius templo sedes est sodalitii constituta; si modo ipsum templum pietatis causa celebraverint remque Christianam Deo de more commendaverint:

V. Semel per menses singulos, quo die cuique placuerit, si modo templum aliquod publicumve sacrarium pietatis causa adierint, et aliquamdiu ad mentem Pontificis maximi obsecrando perstiterint:

\ 1. Quoties, potioris vitae studio, per octo dies continuos statis animi meditationibus operam daturi secesserint:

V II. Item morituris, si sanctum salutare nomen Jesu aut voce, aut si loqui posse desierint, voluntate imploraverint. Iidem eodem jure fruantur, si nec compotes sacra Confessione atque Eucharistia, animi dolore culpas expiaverint.

VIII. Bis in anno Benedictionem summi Pontificis nomine accepturis, si ad mentem ipsius Pontificis Deo aliquamdiu supplicaverint: itemque, hac ipsa supplicandi lege, accepturis quam appellant Absolutionem, hoc est Benedictionem per hos dies, qui intra scripti sunt: I. Natali Domini Nostri Jesu Christi: II. die solemni Paschatis Resurrectionis: III. die solemni Pentecostes: IV. in festo Sanctissimi Cordis Jesu: \. item Immaculatae Conceptionis S. Mariae Virginis: VI. Josephi sponsi eius die XIX. Martii: VII. Impressionis SS. Stigmatum Francisci Patris die XVII. Septem-