A Győri Püspökség Körlevelei, 1883
Tartalomjegyzék
44 Nr. 1751. Reliquiae dubiae authentiae. Eminentissimus Cardinalis Urbis Vicarius de mandato Suae Sanctitatis attentos reddit omnes, quos attinet, ad turpem fraudem nonnullorum impiorum sacrilego pecuniae desiderio ardentium, qui cineres et ossa quaecunque, ceu Reliquias SS. Martyrum e Catacumbis Romanis sumtas, venditare, ac ipsas litteras authentiae saepius ex ingenio improbe conficere non abhorruerunt. Quum investigatione probatum sit, impietatem istam inde ab anno 1874. grassari coepisse, vult Sanctissimus Dominus de hujusmodi reliquiis, a dicto anno ubicunque sive acceptis sive erntis, inquisitionem institui. Provoco itaque DI). Curatos, ut si quae in parochiis suis existerent Reliquiae non ex Curia mea Episcopali latae, quae eas directe ex Apo- stolica SS. Reliquiarum Custodia obtinet, sed aliunde, et quidem ab initio anni 1874. sive acceptae sive pretio emtae, illas una cum litteris earum testimonialibus, quantumcunque authenticae videantur et etiam si de antiquioribus temporibus datae sint, mihi pro recognitione exhibeant, indicando, utrum eae publico vel privato solum cultu honorentur; Portatilibus sigillo Episcopali munitis alioquin intacte relictis. Jaurini, die 18-a Junii 1883. Nr. 1752. Gregoriani cantus authentica forma et editio. Nr. 1753. Concursus pro beneficio pa- rochiali Duoa- Almás. Sanctissimus Dominus Noster Leo PP. XIII., ope Decreti S. Rituum Congregationis sub 26. Aprilis a. c. confirmati, declaravit et publicari mandavit, eam tantum uti authenticam Gregoriani cantus formam atque legitimam hodie habendam esse, quae in editione nova librorum liturgicorum a Friderico Pustet typographo Ratisbonensi, sub auspiciis S. Rituum Congregationis adornata, impressa et a S. Sede adprobata est. Et ut cantus, qui in Sacra Liturgia, stricto sensu accepta, adhibetur, uniformitas ubique existat, mandavit Sua Sanctitas, ut in novis editionibus librorum liturgicorum eae partes, quae musicis notis designantur, exigantur ad normam praedictae editionis Ratisbonensis, utpote quae continet cantum liturgicum proprium Ecclesiae Romanae, quam ideo S. Sedes universaliter in sacra Liturgia adoptari desiderat. Jaurini, die 18-a Junii 1883. D. Julius Somogyi, parochus Duna-Almásensis, obtinuit beneficium parochiale Mocsaense. Tali ratione vacans redditur ab eodem hucusque tentum beneficium parochiale in Duna-Almás, interim administrationi D. Petri Simon simili munere in Mocsa functi commissum, pro quo rursum complendo praesentibus concursum publicum usque finem affuturi mensis Julii duraturum indico, competituros de jure habiles eo inviando, ut recursus suos Rmo ac Amplissimo Domino Ubaldo Ivostersitz, Canonicorum Regularium Ordinis S. Augustini Canoniae Claustroneoburgensis Praeposito, ceu Patrono, inscribendos usque praedefixum terminum mihi exhibeant. Jaurini, die 18-a Junii 1883.
