A Győri Püspökség Körlevelei, 1883
Tartalomjegyzék
27 ^Tr. TT. Proposui in Domino, ultima septimana mensis Augusti a. c. in aedibus Seminarii mei majoris sub manuductione RR. Patrum e Societate Jesu cum Clero Dioe- cesano exercitia spiritualia asservare. Siquidem autem aedes Seminarii nonnisi 60 sacerdotibus valeant hospitium praebere: oportebit ex iis, qui his exercitiis intervenire volunt et possunt, pro hoc anno 60 designare. Velint itaque RR. DD. Sacerdotes via Officii VADiaconalis intentionem suam mihi manifestare, qui dein, cognitis intervenire cupientium et queuntium nominibus, congruos quoad eos, qui hoc anno venire debeant, ordines facere non morabor. Deus nos tueatur Omnipotens. Jaurini, die 5-a Aprilis 1883. Excellmus ac Rmus D. Archi-Episcopus Cameracensis in suis ad me ddo 12. Febr. a. c. destinatis litteris significat, currente anno 1883. diebus 5.—10. Junii Leodii (Lüttich in Belgio) Congressum Eucharisticum (Celebratum iri, ad quem conventum Clericos juxta ac laicos fideles invitare dignatur idem Amplissimus Dominus. Invitationem hanc eo addito hisce publico, ut Congressui huic intervenire cupientes pro ampliori inviatione ad Cancellariam meam se convertant. Caeteri autem una mecum jungamus preces nostras precibus ibi congregandorum, ut coeleste illud antidotum praeservet nos ab omni peccato, et toti mundo, ingenti morbo laboranti, pharmacum illud immortalitatis optatam adferat medelam. Jaurini, die 5-a Aprilis 1883. Antonius Szeglethy, parochus Veszkényensis, diuturna infirmitate confectus, susceptis pie moribundorum Sacramentis, die 27-a Martii a. c. animam Deo reddidit anno aetatis suae 38-o, sacerdotii autem 15-o. Dum obitum juvenis hujus sacerdotis, ob pietatem, mansuetudinem et cordis culturam omnibus, qui eum noverant, chari, cum dolore cordis annuncio, ac animam ejus mature ex hoc saeculo evocatam solitis ad aram suffragiis commendo, simul beneficium, quod tenuit, parochiale in Vesz- kény, cujus administratio interimalis D. Alexandro Fencz, defuncti cooperatori, commissa est, concursui publico usque finem mensis Maji affuturi duraturo hisce cum eo expono, ut illud obtinere cupientes recursus suos Celsissimo Principi Nicolao Esterházy, ceu Patrono, inscribendos eousque mihi exhibeant. Jaurini, die 5-a Aprilis 1883. Cereus in altari positus ceu res ad ritum religionis pertinens in foro poenali hungarioo consideratur atque ideo furtiva ejus ablatio constituit delictum in Codice poen. hung. §. 336. p. 1. (Cire. 1880. pag. 80—81.) descriptum, uti casus sequens docet. Nr. 1077. Exercitia spiritualia pro Clero Dioe- cesauo indicuntur. Nr. 1078. Congressus Eucharisticus Leodii celebrandus. Nr. 1079. Obitus Antonii Szeglethy et concursus pro beneficio pa- rochiali in Veszkény. Nr. 1080. Furtum cerei in altari positi in foro poenali hnn- ganeo. 8
