A Győri Püspökség Körlevelei, 1882
Tartalomjegyzék
54 Nr. 1809. Taxa annua pro Fundo auxiliari manet antiqua. Sanctus hic Ecclesiam Christi illustraverit, quantaque beneficia animabus Christi sanguine redemtis tam per se suis doctrinis ac egregiis sanctae vitae exemplis, quam per labores pro salute animarum exantlatos filiorum suorum, Religiosorum Ordinis a se fundati ac nuncupati, Patris ac fundatoris gloriosi praeclara vestigia sectantium, contulerit, omnes novimus. Septimosaecularis haec memoria nativitatis S. Francisci etiam in hac Dioecesi, ubi Ordo ejus tres Conventus habet, festiva celebritate recoletur, et quidem in magnifica Ordinis S. Francisci Ecclesia Boldogasszonyensi, nunc jam plene et splendide restaurata ac ornata, cujus pretiosissimus thesaurus est statua ac imago B. M. Y. gratiosa, cujus pie venerandae causa copiosi sane fideles quotannis illic confluere solent. Pro ista celebritate asservanda e festis S. Francisci electum est illud, quod Portiunculae dici solet et die 2-a Augusti occurrit. Hac asservandae solennitatis die in praelaudato Virginis Thaumaturgae Sanctuario Sacrum solenne, Deo favente, Ipse celebraturus sum. A elint DD. Curati vicinorum locorum, et quorum fideles alias quoque illuc devotam instituere solent peregrinationem, ad istam peculiarem solennitatem populum suum praevie attentum reddere. Jaurini, die 4-a Julii 1882. Erga desiderium ex aliquot Coronis Districtualibus mihi in eo propositum, ut taxa, quam singuli Dioecesis hujus Sacerdotes Fundo auxiliari annue vi statuti in Conferentiis pastoralibus anno 1872. lati dependere tenentur, in altiori, quam quae hucusque erat, summa defigeretur, provocavi Honorabiles Districtus, ut eatenus suam opinionem depromerent. Major pars desiderat minimum in praecitatis Conferentiis stabilitum retineri. Ideo hisce declarandum duxi, minimum illud ultro quoque in suo vigore permansurum esse, quum etiam tali ratione Fundus auxiliaris de anno in annum laeta capiat incrementa, et alias cuivis liber et amplissimus relinquatur campus charitatem suam erga fratres, prout sua generositas suadet et adjuncta permittunt, largiori etiam manu contestandi, symbolas nempe minimum illud pro lubitu superantes offerendo. Jaurini, die 4-a Julii 1882. Joannes m. p.? Episcopus.
