A Győri Püspökség Körlevelei, 1881
Tartalomjegyzék
5 principalem a porta coemeterii ad crucem vel capellam currentem, ductis hinc et liinc directis sulcis, cespite, in medio glarea, decoram reddere ; seriem sepulchrorum aliam pro adultioribus, pro parvulis aliam defigere ; singula sepulcbra cruce signare. Haec singuli facere poteritis : caetera ingeniosus erga defunctos amor facile addet. Dilectissimi! Dum curam ecclesiarum, statuarum, coemeteriorum studiis vestris commendo, vobis in memoriam revoco, externis his signis internam fidem, pietatem, servitium mentis, orationem et charitatem activam accedere debere, ne haec, sicut opera sine charitate, aes sint sonans et cymbalum tinniens. Deus, qui licet coelo et terra non capitur, domum tamen dignatur habere in terris, ubi nomen suum jugiter invocetur, quive de vivis et electis lapidibus aeternum Majestati suae praeparat habitaculum, accendat corda nostra, ut dum aedes ejus materiales curamus, per vitam nostram dignis Ecclesiae suae spiritualis membris accenseri mereamur. Divinus Salvator, qui Magorum munera sereno suscepit vultu, etiam nostra nostrorumque fidelium quantulacunque oblata, in aedes sacras et pia religionis signa ex amore erga Deum ejusque Sanctos data, utinam propitius suscipiat et accepta habere dignetur. Gratia Domini nostri Jesu Christi et charitas Dei et communicatio Sancti Spiritus sit cum omnibus vobis. Arnen. Datum Jaurini, in Epiphania Domini 1881. S. Congregatio Concilii quoad matrimonium sic dictum civile die 13. Martii anni 1879. edidit Decretum sequentis tenoris : „In praesenti rerum politicarum perturbatione, quae universam fere Europam commovit atque miscuit, plures latae fuerunt leges, quae Ecclesiae catholicae libertatem haud parum coarctant atque ejus instituta et leges vel funditus convellunt, vel saltem in aestimatione fidelium in discrimen adducunt. Quas inter non ultimum ea tenet locum, quae omnes subditos cogit coram laico magistratu matrimonium inire, si propriam prolem, quoad civiles effectus, legitimitatis honore et juribus potiri velint. Ex hoc factum est, ut inter catholicos diu et varie disputatum sit de natura et effectibus illius actus, quem vocant matrimonium civile, ac praesertim an, in sensu Ecclesiae, vim haberet sponsalium, vel considerari posset uti matrimonium clandestinum, nullum in iis locis, in quibus Concilii Tridentini lex viget : atque ideo, an et usque ad quem gradum induceret impedimentum justitiae publicae honestatis. Cum theologi et canonistae in diversas abirent sententias, nec quid prout certum tenendum satis constaret, dubium Apostolicae Sedi propositum fuit, cujus resolutio demandata est S. Congregationi Concilii. Kés gravissimi momenti proponebatur, ideoque caute erat procedendum. Eapropter, ut res ad ejusmodi evidentiae fastigium, quod omne prorsus excluderet dubium, perduceretur, trium consultorum vota exquisita fuerunt; hisque accessit discursus K. P. D. Secretarii, atque omnibus cribratis diligenterque perpensis, in plenariis S. Congregationis comitiis quaestio proposita fuit sub sequentis dubii formula : Nr. 98. Matrimonium civile impedimentum publicae honestatis non parit. 2
