A Győri Püspökség Körlevelei, 1880
Tartalomjegyzék
£Τχ. ΤΓΖ. Funestissimum sane mortis genus, quo D. Josephus Horváth, parochus Kis- Barátensis die 15-a Aprilis a. c. e vivis sublatus est, lugens annunciare cogor. Memorata quippe die circa horam 2-am ante auroram incendium in stabulo domus pa- rochialis exortum, furentibus ventis, somno oppressis omnibus, celerrimo gressu o- mnes aedium partes pervasit ac vastavit, consumtis fere cunctis mobilibus, adperti- nentiis, rebusque domesticis ac oeconomicalibus, imo et animalibus; ita depopulando etiam domum ludirectoralem. Parochus e medio sopore, volventibus jam semet super capite ejus cum ingenti strepitu flammis, excitatus, nec sufficienter indutus, vix e cubili eggressus moxque illuc pro salvandis rebus reversurus flagrante domus tecto super illum defluente obrutus horrende per maximam corporis partem combustus est. Flammis aegre tantum ereptus, adhuc tamen sui conscius illico Sacramenta moribundorum pie suscepit, ultimamque suam voluntatem orali testamento legaliter expressit. Inter ineffabiles cruciatus patienti tamen animo per totam illam diem toleratos, in aliena domo, quo in linteo est deportatus, cubans ac confratrum vestibus circumdatus, postquam ferme omnis ejus res familiaris per ignem, vix aliquibus salvatis, eonsumta et in cineres redacta est, ipse quoque sub vesperis ejusdem diei, doloribus captum humanum superantibus confectus in Domino exspiravit anno aetatis suae 52-o, sacerdotii vero 29-o. Oremus Dilectissimi! ut Deus vitae et mortis fratrem tam misere nobis ereptum, qui crudelissima jam hic tormenta sustinuit ac per ignem transivit, in aeternae beatitudinis refrigerium educere dignetur. Parochiae infausto hoc casu adflictae, pastori animarum — aedibus paro- chialibus in rudera et cinerum ac ambustorum lignorum acervum conversis — nec habitaculum praebere queuntis administratio D. Alexandro Dubovszky, cooperatori Téthensi, concredita est. Jaurini, die 19. Aprilis 1880. Die 22-a Martii a. c. ad aeternitatem evocatus est Paulus Csigaházy, Presbyter Dioecesis hujus, Sacerdos Jubilaris, senio confectus, ac Sacramentis moribundorum provisus, anno aetatis 77., sacerdotii vero 54. Animam ejus consuetis ad aram suffragiis commendo. Jaurini, die 19. Aprilis 1880. Nr. 1140. Obitus Jose- phi Horváth, Parochi Kis- Barátensie. Nr. 1141. Obitus Pauli Csigaházy, Presbyteri Dioec. Jaur.
