A Győri Püspökség Körlevelei, 1879
Tartalomjegyzék
V 61 Die 10. m. curr. post brevem infirmitatem pieque suscepta moribundorum Sacramenta terrestris suae vitae cursum placida morte consumma\rit Michael Praudich, Districtus Magyar-Ovárensis V.-A.-Diaconus et parochus Kopcsényensis, anno aetatis suae 80., sacerdotii 55., exactis in munere parochi Kopcsényensis annis 48, in officio Y.-A.-Diaconi a. 21; dignus sane, pro quo Dominum piis suffragiis deprecemur, ut cui his in terris longitudinem dierum, campum colligendorum meritorum, fidelium porro fratrumque amorem ac aestimium tribuerat, ad aeternitatem translato salutare suum in luce Sanctorum ostendat. Quo vero tentum a denato, dum viveret, beneficium parochiale Köpcsény- ense rursum compleatur, pro eo concursum usque finem affuturi mensis Junii duraturum cum eo indico, ut competituri recursus suos, Minae Dominae Ludovicae Comitissae Batthyány, utpote Patronatus jura relate ad idem beneficium tenenti inscribendos, mihi usque ad dictum terminum exhibere non omittant. Nr. 1278. Obitus Michaelis Praudich et concursus pro beneficio parochiali Kópcsény. Jaurini, die 22. Maji 1879. Josephum Kovács, Consistorii mei Episcopalis Assessorem, Districtus Német- Kereszturensis Y.-A.-Diaconum et parochum Német-Kereszturensem, die 18. m. curr., post pie suscepta migrantium ex hac vita Sacramenta, anno aetatis suae 58., sacerdotalis vero dignitatis 34., e vivis sublatum fuisse, Ven. Clero meo tristis annuncio. Fratrem in eo nobis ereptum lugemus, qui ingenii sui cultura, animi candore, conversationis modestia obsequiique in cunctos studio omnium, quibus notus erat, animos sibi devinxit; qui indefessum in agendis dexteritati laboris studium jungens de parochiis Iiiczing et Német-Keresztur, quibus successive praeerat, item de Districtu Német-Kereszturensi, cui, utpote anno 1872. erecto, primus V.-A.-Diaconus datus fuerat, optime meruit; qui denique e medio salutaris suae activitatis cursu inopinate ad lectum doloris projectus aerumnosam ac diuturnam vitae ac mortis luctam invicto ac in Deum erecto animo sustinendo solatio suis exstitit ac exemplo. Det ei Dominus, in quo speravit et credidit, immarcescibilem beatae immortalitatis coronam ! Dum ejus animam piae fratrum ad aram memoriae commendo, una beneficium parochiale Német-Kereszturense, quod vacans reliquit, alias Patronatui Ceis. D. Nicolai Principis Esterházy obnoxium, concursui usque finem affuturi mensis Junii duraturo hisce expono. Nr. 1279. Obitus Josephi Kovács V.-A.-Diaconi et concursus pro beneficio parochiali Német- Keresztur. Jaurini, die 22. Maji 1879. 15
