A Győri Püspökség Körlevelei, 1876

Tartalomjegyzék

74

Normas has, quarum textus in germanicum aeque ac croaticum sermonem translatus isthic adjacet, una cum impressis exemplaribus praecitati Articuli Leg. XXVIII. de a. 1876., in nexu harum ad Venerabilem Clerum meum dimitto, et Sedium Scholarium, quae elementarium nostrarum scholarum negotia immediate dirigant, erectionem, in sensu earundem Normarum via electionum, usque finem mensis Januarii a. 1877. terminandarum, in effectum deducendam hisce dispono. Fine hoc:

1. I)L>. Parochi, respective Administratores parochiarum mox, ac has perceperint, sociis duobus individuis, quae ubi Sedes Scholaris vel Consessus parochialis de facto exsistit, ab hoc, ubi vero talis non adest, a communitate fidelium deputabuntur, conscriptionem eligendi jure pollentium praesuscipiant (§. 7.); reclamationes vero et exceptiones, quas contra conscriptionem intra triduum a finita conscriptione computandum (§. 7.) moveri nefors contigerit. pro decisione ad DD. Vice-Archi- Diaconos Districtuales, quos fine accelerandi negotii ad vices meas hoc· in merito gerendas hac vice deputo ac delego, transponant.

2. Finita eligentium conscriptione, et stabilito in sensu §. 3. b) futurorum Sedis Scholaris membrorum numero, diem, locum nec non modum instituendae electionis determinent ac juxta praescriptum §. 8. publicent; adveniente vero praestituto ac publicato termino, ipsam electionem sociis praememoratis duobus deputatis ad finem perducant (§§. 8—11.) Gravamina et exceptiones, con#ra personas electas intra praescriptum terminum nefors interponendae, pro finali decisione mihi erunt proponendae (§. 12).

3. Ordinarius scholae docens , ubi non habet socium aeque ordinarium, vi muneris sui Sedis Scholaris membrum evadit; ubi plures ad eandem scholam ordinarii docentes funguntur, vel ubi in eadem communitate parochiana plures habentur scholae cum docentibus ordinariis, hi provocandi erunt, ut in sensu §. 3. a) votis secretis decidant et commissioni electionem moderanti notificent, quem vel quos ex se ad Sedem Scholarem deputandum vel deputandos velint.

4. Electione tam ex parte communitatis parochianae, quam ubi opus est, ex parte docentium ordinariorum ad finem perducta, et reclamationibus ab Ordina- riatu expeditis, ipsa Sedes Scholaris , cujus praeses ecclesiasticus vi muneris sui parochus, respective parochiae administrator est, e commembris suis praesidem saecularem et notarium , item e commembris suis, vel etiam ex aliis individuis extra ipsam constitutis, curatorem et vice-curatorem (§. 15.) eligit.

5. Sede Scholari ita constituta exsistente, praeses ejusdem ecclesiasticus nomina praesidum et commembrorum via Inspectoris scholarum ecclesiastici, seu Vice-Archi-Diaconi Districtualis, tam Ordinariatui, quam respectivo Regio Scholarum Inspectori notificat.

6. Quoad Sedes Scholares in communitatibus filialibus erigendas directionis instar serviat Normarum §. 2.

7. Erectis novis Sedibus Scholaribus activitas hactenus exsistentium Consessuum paroehialium tam quoad agenda circa scholas, quam quoad administrationem peculii Ecclesiarum et piarum fundationum suapte cessat, hac posteriori activitatis Conses-