A Győri Püspökség Körlevelei, 1876
Tartalomjegyzék
3 dum indoctos informatis, vacillantes confirmatis, errantes reformatis, dubitantibus consilio, moestis consolatione paterna adesse contenditis, opus agitis divinum, mercesque vestra erit magna nimis. Yos baec, inquam, agite ; et quamvis non semper eum, qui sperari poterat, videritis laborum vestrorum fructum, nolite despondere animum. Nostrum est laborare, plantare, rigare: incrementum a Deo exspectamus. Sed nec superbia occupet animam vestram, dum abundantem conspexeritis conatus vestri effectum. Incrementum dare est Dei, nos servi inutiles sumus, quod debuimus facere, fecimus. Laudetur autem ille, sub cujus sancti nominis vexillo labores nostros perficimus. Non me latet, quantis cum difficultatibus pugnare, quot obices removere, cum quantis hostibus manus conserere, horumque ictus excipere cogantur hodie animarum curatores. Inimici domi forisque, inter infideles juxta ac tales, qui fidelium nomine, etsi indigni, gloriantur. Dilectissimi, qui pie volunt vivere in Christo, persecutionem patientur. Quid dicendum de iis, qui alios e somno vitae immorális excitant, e luto vitiorum ad virtutum tramites reducere conantur, ad pie vivendum adhortantur, errores et vitia insectantur, superbientem aevi genium impugnant, sensualitati in mundo grassanti bellum indicunt ? Insuperhabitis his difficultatibus agite viriliter et confidite in virtute ducis Nostri, qui vicit mundum in maligno positum, Ipse aderit militibus suis. Levate in circuitu oculos vestros, et missis praeteriti temporis gloriosis exemplis, nostra ipsa aetate complures reperietis in variis Europae provinciis viros, imo integros populos, qui virtute nominis Jesu Christi firmi et charitate Ejus allecti acriter dimicant contra iniquos persecutores sanctae Matris Ecclesiae Catholicae, certi repositam esse coronam, quam Jesus Lex ille admirabilis et Triumphator nobilis legitime certantibus appromisit. Beatissima Yirgo Maria, Yirg-o potens, intercessione sua fortis sicut acies castrorum bene ordinata, tum illis, tum vobis, qui pro gloria nominis filii ejus pugnatis, clementissime adesse dignetur ! Procedamus itaque securi in nomine Domini Nostri, Jesu Christi. Ejus charitas et misericordia sit cum omnibus vobis. Arnen. Datum Jaurini, festo S. Nominis Jesu, anno 1876. Nr. 104. De Conserva- torio Dioece- sano. lies ecclesiasticas , quae etsi hodie jam extra usum positae sint, artis tamen et historiae ratione attentionem nostram merentur, in Dioecesi hac complures inveniri experientia didici. Nec secus mihi notum est, eas ab Archaeologiae ecclesiasticae amatoribus oblato saepe aere studiose conquiri, aut cum novis, usui aptis objectis commutari, sicque e Dioecesi exportari. Hinc plus una vice jam declaravi, similes res vendere aut citra meum annutum cum aliis commutare haud esse licitum, ex adverso justum omnino esse et aequum, ut eae in Dioecesi studiose custodiantur. Quo custodia haec exactior sit, resve illae plurium oculis pateant, proposui Conservatorio cuidam Dioecesano initia facere, Conservatőrio inquam, cui omnes 1*
