A Győri Püspökség Körlevelei, 1876
Tartalomjegyzék
47 Nr. VIII. Quum occasione Visitationis Dioecesis meae annis 1874. et 1875. peractae attentionem meam ad libros rituales in parochialibus Ecclesiis adhiberi solitos convertissem, cum solatio cognovi, antiquioribus Ritualis editionibus sepositis, ubique jam Metropolitanae nostrae Ecclesiae Strigoniensis Rituale, jussu et auctoritate p. m. Cardinalis et Principis Primatis Regni Hungáriáé Joannis Scitovszky, Metropolitanae Ecclesiae Strigoniensis Archi-Episcopi, editum adhiberi. Hoc itaque obtutu nil aliud desiderandum inveni, quam ut adhortationes, institutiones et interrogationes hac Ritualis editione comprehensae, linguis hungarica, germanica et slavica concinnatae, etiam a fidelibus labii croatici, quales Dioecesis mea haud paucos numerare dignoscitur, intelligerentur; porro, ut usu nimiopere attrita, ac proin dignitati sacrarum functionum haud convenientia exemplaria Ritualis, signanter minoris pro functionibus sacris frequentius occurrentibus destinati, extra usum ponerentur. Huic vero desiderio et paris in omnes Dioecesis meae fideles dilectionis ac sollicitudinis aifectui plene me satisfacturum exsistimavi per novam editionem Ritualis minoris Strigoniensis ita adornatam, ut caeteris sine mutatione retentis textui slavico adhortationum et interrogationum, cujus utpote in Dioecesi mea vix ullus est usus, textus croaticus substitueretur. Editionem hanc in usum Dioecesis Jaurinensis specialiter destinatam Deo juvante jam perfectam esse, Venerabili meo Clero laetus hisce significo, ac Dominos Curatos una provoco, ut qui eam pro Ecclesia sua comparare necessarium vel consultum duxerit, desiderium suum via Officii Vice-Archi-Diaconalis Districtualis Officio meo Dioecesano notificet ac pretium ejus, quod pro uno exemplari solide juxta ac eleganter compacto in 4 finis defixum est, ac e fiscis concernentium Ecclesiarum perstringendum venit, eadem via horsum promoveant. Desiderata pro singulis Districtibus exemplaria exhinc ad respectivos DD. Vice-Archi-Diaconos expedientur. Jaurini, die 1. Augusti 1876. Nr. 1606. Rituale in usum Dioecesis Jaurinensis editum. D· Antonius Nagy parochus e beneficio parochiali Eelső-Gallaensi, quod hactenus tenuit, ad Szó'nyense est canonice translatus. Prius itaque dictum beneficium Felsó'-Gallaense, per hanc translationem de jure ac facto vacans redditum, per praesentes concursui publico, usque finem mensis currentis duraturo, cum eo expono, ut competituri recursus suos Excellentissimo Dno Nicolao Comiti Esterházy de Ga- lantha, qua Patrono, inscribendos , mihi usque ad paedefixum terminum exhibere non omittant. Jaurini, die 1. Augusti 1876. Nr. 1607. Concursus pro beneficio parochiali in Felső-Galla. 11
