A Győri Püspökség Körlevelei, 1876
Tartalomjegyzék
9 ' 3ΝΓι*. II. De Rosario B. Μ. V. in scholis. Orationi, quam Salvator noster, Jesus Christus, docuit, quave mentes nostras Nr. 230. ad Patrem, quí est in coelis, dirigendas esse innuit, huic, inquam, precandi formulae Sancta Mater Ecclesia addidit aliam e verbis S. Scripturae ac suis contextam, eam- que in laudem ac invocationem B. M. Virginis destinatam. Accedit his Symbolum Apostolorum, fidei de Patre, Filio ac Spiritu Sancto compendium, ac certum futuri ob hanc fidem proemii vadimonium. Quas quidem credendi et orandi formulas piae genitrices tenerrimae prolium suarum menti laudabili sedulitate et patientia vere materna instillare nunquam intermiserunt; viva namque animatae sunt spe fore, ut hac via in cordibus gnatorum suorum cultui Dei et venerationi B. M. Virginis firmum ponant fundamentum. Huic basi scholastica institutio religiosae vitae fabricam utinam superaedificet! Caeteris hac vice missis, mihi nunc de singulari modo cultum B. Μ. V. in cordibus scholasticorum fovendi et augendi est sermo. Ad inflammandam erga B. V. Mariam religionem inter multiplices illas, quas intima devotio peperit, orationes facile principalem sibi vindicat locum Sacrosanctum Rosarium, seu ea intemeratam Christi matrem colendi ratio, qua sic colitur mater, ut cultus hujus cardinalis ratio in divino Filio assignetur, et Filius juxta ac mater, revocatis in mentem summis redemptionis nostrae mysteriis, socia pietate celebrentur. Initia SS. Rosarii B. Μ. V. ad S. Dominicum esse referenda nemo ignorat; peraeque omnes norunt, hunc B. M. Virginem colendi modum Constitutionibus Summorum Pontificum, exemplo plurimorum Sanctorum, pia denique con- svetudine fidelium merito commendari. Conjungit profecto haec oratio fidelium mentes cum anno ecclesiastico, jugiter meminit articulorum fidei, recenset vitam Christi Domini, et impetrat teste historia Dei misericordiam. Saepe, dum Christi, populus cruentis hostis infensi premeretur armis, venit adjutrix pia Virgo coelo lapsa sereno. Dignum itaque est et salutare, ut DD. animarum Curatores, dum in scholis institutioni catecheticae vacant, etiam modum recitandi Rosarii proles doceant , ut nulla omnino sit, quae hanc orandi rationem ignoret. Cognoscent certe proles hac via orandi formam ab Ecclesia adprobatam, qua, etiamsi libellis preca- toriis caruerint, recte laudabunt Dominum N. Jesum Christum, invocabunt B. M. Virginem, dogmata denique fidei nostrae viridi in memoria retinebunt. Quod autem in schola cognoverunt, hoc in Ecclesia publice in communi exerceant praeorante uno ex adultioribus, caetera pube scholastica illum in responsoriis prosequente. Synodus Provincialis Strigoniensis anni 1858. pag. 55. huic devotioni diem Sabbathi destinavit. Ab adjunctis autem et DD. Parochorum dispositione pendeat, an Rosarium diebus Sabbathi sub Sacro, vel potius sub litaniis recitetur. 2
