A Győri Püspökség Körlevelei, 1875
Tartalomjegyzék
2 rumque aerumnas cum pastoribus tolerare gestiunt, graviora etiam mala pro fide perferre parati. „Nigra sed formosa est Ecclesia Jesu Cliristi. Nigra, quia malorum turmae commixta: formosa, quia de vanitatibus mundi exemta; nigra persecutione: formosa remuneratione; nigra propter conditionem carnis : formosa propter gratiam, qua collocata est in coelestibus; nigra in hoc seculo: formosa in futuro; nigra, dum despicitur : formosa, quando coronatur.“ 2) Haeccine est illa conscientiae libertas, quam infausto hoc aevo cunctis concessam esse coriphaei modernarum idearum mendaci bucca proclamarunt! Absurdissima ibi quaeque febricitantis cerebri commenta religiosi systematis sub nomine consarcinata tolerantur: sola genuina catholicae religionis principia atro notantur calculo. Yeri animarum curatores persecutioni subjiciuntur: pseudopastores execra- bili facinore ordinati, apostatae, puppae et larvae sacerdotum, profligatae famae homines, quos boni et honesti quique e suo coetu exesse juberent, viri a facie suorum flagitiorum e patria sua profugi proteguntur, foventur, aluntur, honoribus ornantur, fideli populo obtruduntur, utique futuri non jam pastores, sed lupi rapaces. Sicut olim lapsi haeretici et schismatici, ita etiam infelices hi apostatae in Ecclesia fuere, sed ex Ecclesia vera exivere. „Filios enutrivi et exaltavi, ipsi autem spreverunt me!“ Adjiciamus , non tantum spreverunt hi Ecclesiam , sed et delere conantur. Impuro ore et perfida praevaricatione dictitant hi, non esse urgendam Ecclesiae unitatem , nec esse unionem cum cathedra et successore S. Petri usquequaque necessariam. Ast audiant S. Cyprianum: „Ut unitatem manifestaret Christus, unam cathedram constituit, unitatis ejusdem originem ab uno incipientem sua auctoritate disposuit......................Primatus Petro datur, ut una Christi Ecclesia et cathedra una monstretur. . . . Ilane Ecclesiae unitatem qui non tenet, tenere se fidem credit? Qui Ecclesiae renititur et resistit, qui cathedram Petri, super quam fundata est Ecclesia, deserit, in Ecclesia se esse confidit? Quando et beatus Apostolus Paulus hoc idem doceat et Sacramentum unitatis ostendat dicens: Unum corpus et unus spiritus, una spes vocationis vestrae, unus Dominus, una fides, unum baptisma, unus Deus. Quam unitatem firmiter tenere et vindicare debemus ................Quomodo solis multi radii, sed lu men unum, et rami arboris multi, sed robur unum tenaci radice fundatum, et cum de fonte uno rivi plurimi defluunt, numerositas licet diffusa videatur exundantis copiae largitate, unitas tamen servatur in origine. Avelle radium solis a corpore, divisionem lucis unitas non capit: ab arbore frange ramum, fractus germinare non poterit: a fonte praecide rivum, praecisus arescit. Sic et Ecclesia Domini luce perfusa per orbem totum radios suos porrigit: unum tamen lumen est, quod ubique diffunditur , nec unitas corporis separatur. Ramos suos in universam terram copia ubertatis extendit, profluentes largiter rivos latius expandit; unum tamen caput est et origo una, et una mater fecunditatis successibus copiosa. Illius fetu nascimur, illius lacte nutrimur, spiritu ejus animamur .... Habere non potest Deum patrem , qui Ecclesiam non habet matrem. Si potuit evadere quisquam, qui 2) S. Gerardus, Csanádiensis Episcopus, in expositione hymni : Trium puerorum, edit. Batthyányi p. 128.
