A Győri Püspökség Körlevelei, 1875
Tartalomjegyzék
Nr. II Solemne erat Summis Ecclesiae Catholicae Pontificibus singulis seculi quadrantibus plenarias in forma Jubilaei indulgentias concedere, quales exeunte primo currentis seculi quadrante, anno 1825. pro Urbe Roma, anno autem proxime sequente 1826. pro universo Orbe Catholico a Leone XII. Pontifice concessas et a fideli populo magna sane religione frequentatas fuisse complures meminimus. Ad finem secundi quadrantis anno nempe 1850. ob ardua tunc Ecclesiae adjuncta tale Jubilaeum quidem non erat celebratum, sed aliae indulgentiae concessae. Tertius jam nunc ad finem vergit quadrans. Beatissimus itaque Pater Pius Papa IX. in suis de 24. Decembris 1874. expeditis litteris indulgentias Jubilaei ad suorum b. m. antecessorum exemplum publicavit, et quidem pro toto anno 1875. Litteras indictionis hujus Jubilaei cum Yener. Clero tunc communicabo, et dispositiones, quantum ad tempus et modum inchoandae supplicationis, item instructionem ad populum tunc dabo, ubi post Pascha idgenus pietatis exercitiis, cessantibus jam hyemis et primi veris frigoribus, sub libero etiam coelo, Stationes nempe visitando, vacare poterimus. Jaurini, die 17. Januarii 1875. Nr. 122. De indulgen tiis Jubilaei. Cum praesentibus Circularibus dimitto ad fideles Dioecesanos Litteras Pastorales de Verbo Dei praedicando et audiendo, quae proxima, ac eas perceperit Ven. Clerus, Dominica ex ambone publicandae erunt. Jaurini, die 17. Januarii 1875. Nr. 123. De litteris Pastoralibus Episcopi. DECRETUM. Feria VI. Die II Decembris 1874. Sacra Congregatio Eminentissimorum ac Reverendissimorum Sanctae Romanae Ecclesiae Cardinalium a SANCTISSIMO DOMINO NOSTRO PIO PAPA IX Sane- taque Sede Apostolica Indicis librorum pravae doctrinae, eorumdemque proscriptioni, expurgationi, ac permissioni in universa christiana Republica praepositorum et delegatorum, Nr. 124. Decretum S. C. Indicis publicatur.
