A Győri Püspökség Körlevelei, 1874
Tartalomjegyzék
51 D. Stephanus Császár parochus Babotensis et Sacerdos jubilaris diuturni morbi doloribus confectus, susceptis migrantium ex hac vita Sacramentis, die 22. proxime elapsi mensis Julii pie in Domino obdormivit anno aetatis suae 76., sacerdotalis vero dignitatis 52. Cujus animam, ut ea refrigerii sedem, quietis beatitudi- nem et luminis claritatem consequatur, dum fratrum piis suffragiis commendo, una quod denatus in vivis tenuit, beneficium parochiale in Babot, juris Patronatus Fundi Religionis, publico concursui usque finem currentis mensis Augusti duraturo cum eo expono, ut competituri libellos suos supplices Exc. R. H. Ministerio Cultus ac Institutionis Publicae inscribendos mihi usque ad praedefixum terminum exhibeant. Jaurini, die 3. Augusti 1874. DECRETUM URBIS ET ORBIS. Ad cultum in Christiano Orbe augendum latiusque propagandum erga Sanctum Bonifacium Episcopum et Martyrem, qui Germanicas gentes aliosque finitimos populos ad Christi fidem perduxit, cujusque praeconium occurrit in Marty - rologio Romano Nonis Junii, plures Emi et Rmi S. R. E. Cardinales, et amplissimi diversarum nationum Episcopi, e Germania praesertim et Anglia, auspicatissima arrepta occasione sui in Urbem adventus, quum Dogma de Immaculata Beatae Mariae Conceptione a Sanctissimo Domino Nostro Pio Papa IX. fuit solemniter proclamatum, humillimis precibus eidem Sanctissimo Patri supplicarunt, ut Officium Missamque praedicti Sancti Bonifacii tot ceteroquin nominibus insignis, et de Catholica Religione, deque hac Sancta Sede Apostolica adeo promeriti, ad universalem Ecclesiam Pontificia sua auctoritate dignaretur extendere. Aut nisi forte pro multa sapientia sua id congruum judicaret, ejusdem saltem Oificii et Missae recitationem toti Germaniae, totique Angliáé vellet concedere, quod in Sancto Bonifacio suum haec filium, suum alia veneretur Apostolum; reliquis vero extra Germaniam et Angliám Dioecesibus, si illarum Episcopi duxerint ea de re supplicandum. Istiusmodi preces idem Sanctissimus Dominus Noster clementer excipiens, die 29. Martii 1855. indulsit, ut in tota Germania et Anglia quotquot Dioeceses concessionem Officii et Missae de Sancto Bonifacio Episcopo et Martyre ab Apostolica Sede nondum obtinuerunt, volentibus Episcopis recitare amodo possint; indulsitque 11 Nr. 1727. Obitus Stephani Császár et concursus pro beneficio parochiali in Babot. Nr. 1728. Decretum S. Rituum Con. gregationis de Officio et Missa S. Bonifacii Ep. et. M.
