A Győri Püspökség Körlevelei, 1874
Tartalomjegyzék
9 Tabellas pro concinnando conspectu motuum popularium, qui per proxime elapsum triennium intervenerunt, inservituras, a regnicolari II. H. Officio Statistico ad me transpositas ejusdem Officii requisitioni respondendo medio Officiorum \ ice- Archi-Diaconalium ad singulas parochias ea cum inviatione in nexu harum dimitto, ut DD. Parochi illas — habita prae oculis instructione in dorso earum apposita et adhibita pro datis cujusvis anni (1871., 1872. et 1873.) distincta tabella — mox ac perceperint explere, expletas vero abs mora ad concernentem jurisdictionem politicam transponere velint. Pro debita DD. Vice-Archi-Diaconorum in distribuendis his tabellis directione significatum sit, pro singulis parochiis, et insuper ubi adest filialis, quae non eidem, cui ipsa Mater, politicae jurisdictioni subest, etiam pro singula idmodi filiali tria exemplaria tabellarum computari debere. Jaurini, die 10. Februarii 1874. Articulus XL. de a. 1868. §-o 53. clare enunciat individua militaria militiae regulari et copiis defensorum patriae adscripta, tertiam classem aetatis ad militiam obligantis egressa et ex actuali servitio ad longius tempus ablicentiata ratione ineundi ab ipsis matrimonii communibus legibus subjacere, ac proin ad id, ut in matrimonium licite copulari valeant, nulla jurisdictionis militaris licentia indigere. Evenit vero, ut favorabilis haec legis enunciatio etiam ad illas extenderetur personas , quae post superatam tertiam classem aetatis militaris militiae demum ad- scriptae ante inceptum actuale servitium usque ad 1. Octobris anni, quo militiae ad- scriptae sunt, dimissae fuere, qualis vero extensio nullam in lege habet fundamentum. Hinc ad antevertendas ulteriores cum lege publica collisiones et harum consequentias Exc. R. H. Ministerium Cultus ac Publicae Institutionis ope Intimati sub 20. Januarii a. curr. Nr. 1434. editi expresse declarandum censuit, personas, quae militiae post superatam tertiam aetatis militaris classem adscriptae sunt, et facta adscriptione — quin ullum actuale praestitissent militare servitium — usque proxime insequentem mensem Octobrem ablicentiantur, durante hoc tempore minime venire in censum personarum militarium ad longius tempus dimissarum et sub dispositionem ij. 53. Art. XL. de a. 1868. cadentium, ac proin illas, ceu obligatione subeundi actualia servitia m i- litaria ligatas sine licentia concernentis jurisdictionis militaris ad matrimonii vota transire non posse. Praecitatum illud Intimatum pro debita DD. Curatorum directione isthic per extensum subnecto: Nr. 465. Tabellae motuum popularium per DD. Parochos complendae dimittuntur. Nr. 466. De matrimonio personarum militarium. 3
