A Győri Püspökség Körlevelei, 1873
8 tis 31. — Natus est anno 1795.; scientiis profanis in Regia Academia Jaurinensi, sacris in Lyceo Eppali Pioecesano imbutus, terminato harum cursu et suscepto anno 1817. s. Presbyteratus ordine applicationem in cura animarum nactus Cooperatoris munus primo in Győr-Nádorváros, dein Sopronii, demum in Csorna omni cum laude obibat. Anno 1819. herulorum Nicolai Comitis Esterházy de Galantha, anno vero 1827. ad Aulam R. Principis de Lucca et Infantis Hispaniae Caroli Bourbon evocatus hujus filii primogeniti educationem ac institutionem in se suscepit ac hanc anno 1841. terminavit. Intermedio, quo in oris exteris versabatur, tempore in scientiis sacris gradum academicum, in ecclesiastico ordine summas meruit dignitates, anno 1835. in Praelatum Domesticum Suae Sanctitatis Summi Pontificis, anno 1836. in Abbatem titularem nominatus, anno denique 1841. ad titulum Episcopi Caesaro- politani i. p. i. consecratus. Hoc ipso , quo episcopalem dignitatem obtinuit, anno in Patriam reversus honore Consiliarii Suae C. et R. Ap. Majestatis auctus munere Superioris Scholarum Directoris in Districtu Jaurinensi fungebatur. Anno 1847. inter membra Capituli Cathedr. Eccl. Jaurinensis e clementia Regia cooptatus, exacto decennio ad primam Capituli dignitatem, Praeposituram Majorem evectus est, quam usque diem obitus sui tenuit. Inter diversa, quae ceu Capituli membrum obibat, munera distinctissimum sane illud fuit, quod a Praesulibus in qualitate Vicarii Generalis Episcopalis in auxilium gubernationis ecclesiasticae assumtus, occasione vero Sedis vacantiae, quae post mortem b. m. Episcopi Antonii Karner evenerat, qua electus a Capitulo Vicarius Capitularis ad regimen Dioeceseos admotus fuerit. Inter diversissimi status ac conditionis homines vita comite versatus Dioecesi nunquam non honori ac decori fuit; rara ingenii animique cultura, inter dignitatum, quibus ornabatur, splendores sua modestia ac affabilitate omnium corda ad amorem sui rapuit; conspicua sua in Clerum Dioecesanum non minus ac pauperes munificentia, in qua solatium quaerebat, et inveniebat, sua inter labores solertia , infucata denique in Deum pietate omnium venerationem emeruit; cujus quidem publici amoris ac aestimii praeclarum erat documentum ingens populi exeunte obitus ejus fama undique confluentis multitudo, quae rara funus ejus circumdedit solennitate. Literarum eximius cultor ac fautor magnis sumptibus amplam , rarissimisque operibus claram bibliothecam congessit, quam aetate jamjam inclinante, ubi a negotiis Dioecesis et Capituli retractus totum se pietatis dederat operibus, praeclarae suae munificentiae coronidem imponens Seminario meo Majori donavit. Dignus sane, cujus memoria in benedictione sit, et pro quo piis Deum exoremus suffragiis, ut quem inter apostolicos sacerdotes pontificali fecit dignitate vigere, illum eorum perpetuo aggreget consortio. Jaurini, die 12. Januarii 1873. Nr. 189. Concursus pro beneficio pa- rochiali Abda. Beneficium parochiale in Abda, per translationem D. Georgii Nagy ejatits antea parochi ad Kény, de jure ac facto vacans , alias Patronatui V. Capituli Ca- thedralis meae Ecclesiae Jaurinensis obnoxium, per praesentes publico concursui usque 15. Februarii curr. anni duraturo expono. Jaurini, die 12. Januarii 1873.
