A Győri Püspökség Körlevelei, 1873
ΠΝTr. X. Venerabiles Fratres ac Filii in Christo Dilectissimi! Ingruente novo anno in nomine Principis Pastorum Jesu Christi salutamus Vos, Venerabiles Fratres ac Filii in Christo Dilectissimi, Ejusque ineffabili Charitati Vos omnes commendatos esse cupimns. Ei sit dedicatum ac consecratum quantulumcunque, sed omne humilitatis nostrae obsequium ; Ejus gratiam et auxilium imploremus; Ei soli vivere, Ei soli vita clericali et opere pastorali placere studeamus; Ille diligat nos et det consolationem aeternam ac spem bonam in gratia (II. Thess. 2, 15.). Inter labores, quos praeter ordinarias muneris Nostri pastoralis partes pro Dei gloria et Ecclesiae emolumento hoc, quem inchoavimus, anno assistente nobis gratia Jesu Christi peragere intendimus, principalem occupabit locum Visitatio generalis totius Dioecesis Nostrae, cui quidem ministerii Nostri Episcopalis officio vacare Nos et leges Ecclesiae admonent, et ampla redundantis inde utilitatis spes sva- viter allicit. Superfluum esse credimus seu Sanctorum Apostolorum, insignium ve omnis aetatis Episcoporum exempla, sive antiqui novive juris statuta, sive denique Summorum Pontificum monita ad istam rem facientia in lias paginas cogere, quandoquidem nemo unus est, qui huic obligationi contradicat, utilitatemve istius laboris, jam majorem jam minorem, negare audeat. Sufficiet allegare: Concilii Tridentini lege (Sess. 24. cap. 3. de lief.), Conciliorum item in Patria nostra celebratorum Statutis (e. g. Concil. Tyrnav. 1611. c. 1. n. 3., Cone. prov. Strigonien. 1858., Tit. V. de Episcopis, n. 21.), Summorum denique Pontificum Constitutionibus (e. g. Benedicti XIV. Constit. II. Ubi primum 1740., 3. Dec.) praecipi, ut Episcopi Dioecesim suam vel totam vel notabilem saltem ejus partem ipsi visitent vel per alium Visitatorem saepius visitari faciant. „Nam cum 1 Nr. 186. Visitatio generalis totius Dioeceseos.
