A Győri Püspökség Körlevelei, 1870
54 Sacramento gaudeat privilegiis, quibus juxta memoratam Clementis XII. Instructionem gaudet oratio quadraginta horarum. Sanctitas porro Sua, referente subscripto sacrorum Rituum Congregationis Secretario pro gratia benigne annuere dignata est. Contrariis non obstantibus quibuscunque. Die 23-a Junii 1870. C. Eppus Portuen. et S. Rutinae Cardinalis Patrizi S. R. C. Praef. (L. S.) D. Bartolini S. R. C. Secretarius. C) Jauriuen. Ne Clerus Jaurinensis unquam omittere adigatur Officia illa mobilia, quae utpote certis intra annum Dominicis vel Feriis affixa ad Decretorum placitum omitti deberent, quoties designatae sedes impeditae occurrerint, Rmus Dnus Joannes Zalka Episcopus Jaurin. a Sanctissimo Domino Nostro Pio Papa IX. perpetuum privilegium imploravit memorata Officia mobilia transferendi in primas insequentes dies liberas, quotiescunque ex eis aliquod in propria Sede juxta eadem Decreta impeditum recitari nequit. Sanctitas porro Sua, referente subscripto Sacrorum Rituum Congregationis Secretario benigne annuit juxta preces Episcopi Oratoris; nimirum indulsit, ut in Dioecesi Jaurinensi amandari valeant ad primas insequentes dies liberas Officia mobilia, quoties designatae sedes impeditae occurrant: verum praecepit, ut, cum Officia Mysteriorum et Instrumentorum Dominicae Passionis transferri contigerit, haec ultra Quadragesimam non reponantur: dummodo tamen in omnibus Rubricae serventur. Contrariis non obstantibus quibuscunque. Die 23-a Junii 1870. C. Eppus Portuens. et S. Rufinae Cardinalis Patrizi S. R. C. Praef. (L. S.) D. Bartolini S. R. C. Secretarius. D) Jauriuen. Rmus D. Joannes Zalka Episcopus Jaurinen. sequentia dubia circa Kalendarium et Proprium suae Dioeceseos pro opportuna declaratione Sacrorum Rituum Congregationi proposuit nimirum: Dubium I. An Festum Sancti Pauli a Cruce Conf. pro die 28. Aprilis fixum apud nos Festo Sancti Georgii dupl. perpetuo impeditum, stabiliter in 15. Maji, utpote primam in Kalendario nostro liberam transferri possit ? Dubium II. An festum Inventionis Sanctae Crucis Domini Nostri Jesu Christi in Kalendario nostro sub ritu dupl. maj. indicatum, etiam apud nos ritu dupl. II. Classis observari debeat, ut hoc in universa Ecclesia obtinet ? Dubium III. An Festum Sanctae Margarithae V. M. ritu dupl. antea in Dioecesi Jaurin. 13-a Julii semper observatum, in novo vero Kalend. perpet. Jaurin. pro illa die penitus omissum et tantum 20-a ejusdem mensis sub ritu simpl. indicatum, in posterum
