A Győri Püspökség Körlevelei, 1869
6 Nr. 347. Dü fundo auxiliari Dioecesano. Nr. 348. Do fundo pensionis lud i rectorum. aeque adoptarunt et publicarunt, ut liac via, quod Conferentiae Episcoporum Budae asservatae identidem ceu commune votum enunciarunt, in procedendo uniformitas obtineatur. Jaurini, die 2. Februarii 1869. In coronis nonnullorum Districtuum identidem fuerat memoratum, symbolas pro augmento fundi auxiliaris Dioecesani annue conferri solitas per quosdam aut non, aut parce omnino, vel tarde, Rationibus jam conclusis, subministrari. Provoco itaque omnes et singulos, ut ad hoc reciprocae subventionis opus singuli concurrant, prout Deus singulis plus vel minus dederit. Administrationen! autem fundi hujus multum facilitabunt, si symbolas suas in Coronis autumnalibus DD. Vice-Archi-Diaconis resignaverint per eos ad Ordinariatum promovendas. Deo votis nostris secundante ex fundo isto senioribus Fratribus fatiscentibus amplius subsidium dabitur: meum autem erit agere, ut iis ad quietem recedentibus etiam honoris externi congruum accedat incrementum. Jaurini, die 3. Februarii 1869. Virca genuinum sensum statutorum Fundi pensionis ludirectorum dubia quaedam fuerunt orta, et petita eorum solutio. Quaerebatur, an §. 14. a) et b) dispositio de iis etiam intelligatur, qui officium jam habent, et actu jam matrimonio sunt juncti? Respondeo, dispositionem illam valere de iis, qui post 1-am Januarii curr. anni 1869. ceu ordinarium terminum subscriptionis obtinebunt stationem et inibunt matrimonium. Porro e parte nonnullorum supplicatum erat, ut ratam in sensu §. 13. pro annorum suae aetatis redemtione obvenientem per plures ac tres vices dependere sibi indulgeatur. Voto plurium in consilium adductorum repositum erat, indulgeri posse, dummodo usque 1. Julii anni 1873. tota haec summa Cassae fundi inferatur. Denique interrogatum fuit, an dispositio legis novellaris de institutione populi nuperrime publicatae §. 145. enunciata, qua e salario Ludirectorum annue certa summa detrahi jubetur pro fundo pensionis, etiam de Ludirectoribus in scholis Confessionalibus nostris docentibus intelligatur? Respondeo, nequaquam intelligi, nam legis citatae §. 11. omnis de Ludirectorum nostrorum salario et provisione cura ipsis Coetibus relinquitur, nec Coetuum Confessionalium symbolas unquam Excelsum Ministerium administrabit. Denique notum esse volo V. Clero Curato, Deum optimae nostrae intentioni benedixisse, et fundum hunc a benefactoribus variis partim in aere parato, partim in Obligatoriis perpetuis vel usque ad dies vitae editis percepisse 8320 florenos. Porro usque hodiernam diem e novem Districtibus classi I. 118, classi II. 58. Docentes esse inscriptos, quorum annuae symbolae efficiunt 3524 florenos. Haec summa priori addita efficit 11,844 florenos, accedent extraordinariae horum symbolae in sensu §. 13. et 14., ut adeo jam hoc primo anno 600 floreni et ultra possent distribui. Sit pro his omnibus nomen Domini benedictum! Jaurini, die 3. Februarii 1869.
