A Győri Püspökség Körlevelei, 1868
55 ΛΤν*. Λ . Ope Circularium festo Nativitatis D. N. Jesu Christi a. 1867. editarum literarum projectum Statutorum pro erigendo Fundo pensione providendorum Dioecesis meae Ludi- rectorum ea cum provocatione ad DD. Curatos dimisi, ut illud et ipsi expenderent et expendendum Ludirectoribus traderent, horum suasque eatenus reflexiones mecum communicaturi. Spe, qua fretum me dixi, fore quipjxe, ut coepto hoc opere plurimorum votis sim responsurus, haud me fuisse frustratum, substratae mihi in nexu quaesitarum reflexionum communis laetitiae ac infucatae gratitudinis contestationes effatim loquebantur. Ulterius itaque prosequendo consilia ista, et perficiendo operi manus admoturus, projectum illud cum habitis jam reflexionibus viris, ad hoc a me deputatis, revidendum ac in quantum finis exoptata item firmitas ac stabilitas intenti instituti permitterent, ad vota concernentium exigendum tradidi, revisumque ac in pluribus modificatum fine impetrandae altioris ratihabitionis ac confirmationis ad Exc. R. H. Ministerium promovi. Edita jam ab Exc. R. H. Ministerio internorum negotiorum in mutuo cum Exc. R. H. Ministerio Cultus ac publicae Institutionis consensu sub 27. Julii a. curr. Nr. 3827/r. petita hac Statutorum ratihabitione, spectato porro, quo Ludirectores tenebantur, idmodi Fundi desiderio, nil ultra eidem, facto etiam erigendo, obstare videtur. Quapropter adprobatorum Statutorum idiomate hungarico ac germanico typis impressa exemplaria DD. Curatis in nexu praesentium cum eo transpono, ut ea docentibus ac subdocentibus sub sua directione fungentibus, aliis item, quos unioni huic in sensu ipsorum Statutorum adscribere licet, tradere, eosque aggregax-i desiderantes ad philyram insinuationis, cuivis Statutorum exemplo adjectam, rite complendam ac horsum medio concernentium DD. Vice-Archi-Diaconorum usque finem anni curr. eo fine transponendam provocare velint, ut praeter alia disponenda Instituti hujus socii isthic rite praenotari, iisdem libelli in sensu §. 41. Statutorum imprimendi dimitti ac sic conflando Fundo hoc adhuc, qui currit, anno initia dari valeant. — Omnia huc pertinentia oblata a 1. Januarii an. 1868. computentur. Una etiam dimitto philyras subscriptionis, Instituti hujus fundatoribus, quorum seriem cum 5000 florenis a. v. subscriptus ipse oi'dior, ac benefactoribus destinatas. Suam ipsorum agent Ludirectores causam, quodsi eas compleri facere sedulo adlabora- verint; sed et de Vestro VV. FF. et FF. cum beneficentiae studio, tum rei institutionis, hac certe etiam via provehendae sollicitudine confido fore, ut et proprio, quantum licuerit, aere, et junctis cum Ludirectoribus consiliis, — provocando cumprimis Communitates, ut aequitatis erga illos, qui instituendis earum prolibus tempus viresque impendunt, haud immemores ad opus istud beneficentiae, modo in Statutorum §.18. indicato concurrant — fundatorum ac benefactorum hujus Instituti numerum augere adnitamini. Philyrae istae ac oblata in iis subscripta, suo tempore publicanda, unacum philyris insinuationis poterunt horsum submitti. Jaurini, die 24. Augusti 1868. Nr. 2046. Statuta Fundi pensionis Ludirectorum adprobata dimittuntur. 13
