A Győri Püspökség Körlevelei, 1866
Tartalomjegyzék
• I 10. Societatem dissolutorum tam laicorum quam clericorum, ubi nulla est probabilis spes eos ad meliora reducendi fugite. 11. Consortia, familiaritates et conversationes parum utiles, non necessarias cum altero sexu vitate. 12. Venationibus et aliis recreationibus quae scandalum vel vilipensionem clericorum ingenerant, sive murmur causant, renuntiate. 13. Altaria, paramenta et sacram suppellectilem curate mundissima esse. 14. Visitate SS. Sacramentum tempore promeridiano ubi opportunitas sinet. 15. Vestes clericales gerite, capillos componite, tonsuram ferte ut probatiores Sacerdotes. 16. Avaritiam ut pestem fugite, superflua vestra in causas pias impendentes. 17. Instructiones catecheticas tam publicas in Ecclesiis, quam privatas in scholis facite, promovete et juvate. 18. Frequentes ad plebem exhortationes habete, utiles quidem, et quae magis ad compunctionem et emendationem, quam ad sterilem admirationem serviant. 19. Infirmis diligenter assistite, eos Sacramentis, precibus, piis monitis et auxiliis temporalibus pro posse juvantes. 20. Negotiis saecularibus et aliorum forensibus litibus ne immisceatis vos. 21. Studiis solum clericalibus, praesertim Scripturae Sacrae, impedite vos. 22. In mensa, recreatione et somno limites rationabiles ne excedatis. 23. Sub actionibus diurnis mentem ad Deum levate. 24. Mariam Dei genitricem ferventer colite. 25. Piam lectionem quotidie facere ne negligatis. 26. In gravioris momenti deliberationibus, non proprium judicium, sed, Deo invocato, Confessarii vel alterius prudentis viri consilium sequimini. Jaurini, die 26. Aprilis 1866. 55 In Lajta-Szent-Miklós per translationem vacat statio Ludimagistri cum Notariatu conjuncta, cujus proventus et emolumenta videantur in litteris Circularibus ddto 30. Maji 1864 Nr. 1707. dimissis. Competituri ad instantias suas usque finem futuri mensis Maji' D. Canonico honorario Vice-Archi-Diacono et Parocho Petsenyédensi exhibendas invientur. Jaurini, die 27. Aprilis 1866. Nr. 1453. Statio ludimagistri in Lajta- Szent-Miklós vacans concursui exponitur. Hermannus Steiner, proprietarius privatae scholae Pragae in Bohemia edidit scholasticum Atlantem Imperii Austriaci, qui in obsequium Intimati a R. Lottali Consilio sub 18. curr. Nr. 23,520 exarati docentibus scholarum elementarium superiorum et rea- lium commendatur. Jaurini, die 27. Aprilis 1866. Nr. 1454. Atlas scholasticus Hermanni Steiner commendatur«
