A Győri Püspökség Körlevelei, 1866
Tartalomjegyzék
110 mirifice propagavit. Pastoralis solicitudinis ac zeli animarum laude gloriosus ab Ecclesia praedicatur S. Carolus Mediolanensium olim Antistes. Jam quantum ea virtute Cardinalis noster praestiterit, quam vigil ac solers in grege tuendo fuerit, quam navus atque solicitus in ovibus ad aeternam salutőin deducendis, explicari paucis non potest, cum singula vitae ipsius momenta solicitudinis hujus exemplis ac documentis consignata sint. Otii et quietis impatiens aliquid semper ad Dei gloriae incrementum moliebatur vel agebat, nullam ejus rei causa molestiam timens, nullam defugiens curam, laborem nullum detrectans. Perhumanus, ac facilis universis, bene de omnibus merendi cupidissimus, in beneficiis rependendis magnificus, in officiis persolvendis diligens, profusus in pauperes, in calamitosos misericors. „Episcopum decet pro Ecclesia laborantem mori“ ajebat S. Carolus Boromaeus. Cardinalis Scitovszky hocipsum principium pro norma vitae habuit, labori ad ultimum usque longae ac diuturnae vitae tempus intentus erat, quin etiam aeger, ubi paululum remitteret morbi vis, inter famulorum sublatus manus deferri volebat identidem ad pulpitum actis refertum Dioecesanis. Fide in Regem, caritate in patriam nulli secundus, votorum suorum apicem esse dixit videre priusquam moreretur Christum Domini, coronare Regem Apostolicum. Obiit anno aetatis 81, Sacerdotii 57, Episcopatus 39, Archi-Episcopatus 16. Corpus defuncti Cardinalis elatum, atque in crypta Metropolitanae Ecclesiae depositum est, amplissimo funere, quo vix quidquam lugubrius ac magnificentius, quodve plane ut doloris pietatisque triumphus videbatur. Funeri ut adessem, pietatis sensus ursit, et gratitudinis imperavit obligatio, ut vero die 25. curr. in Ecclesia mea Cathedrali solennes pro animae refrigerio defuncti apparandas curarem, persolveremque exequias hierarchicus nexus deposcebat, quo suffraganeus jungebar defuncto Cardinali, velut Metropolitae. DD. Parochos hujus Dioecesis idem facturos confido, ac proinde praesentibus dispono, ut in qualibet parochi ali Ecclesia, praemonito prius fideli populo, pro defuncto Metropolita nostro, Cardinali quippe Archi-Episcopo et Primate Regni die, quae opportunissima videbitur, non longo tamen post perceptos hosce ordines, temporis intervallo Missa cantata de Requiem ea, qua par est, solennitate celebretur. Jaurini, die 27. Octobris 1866. Joannes m. p. Episcopus. ΟβΙΠΙΠϊ ;ifr jjjj : eiimon ώοαχβ fíatsí! 'ioihnf boiTfic eh eiisfid 1 s fezqooeP
