A Győri Püspökség Körlevelei, 1866
Tartalomjegyzék
104 Nr. 2733. Obitus Caroli Sumich, parochi in Kop- háza, et concursus pro vacante hac parochia. accessum nemini permittat, nisi cui voluntas et facultas sit quantocius connubium ineundi. 2-o. Ne tunc quidem, dum invisitur, sola cum solo moretur, multo minus noctu; sed semper et ubique patrem aut matrem vel tutorem sui testem postulet. 3-o. Insciis parentibus, nullo se foedere aut promisso devinciat; 4-o. Tempore eodem munditiem mentis et cordis solita custodia servabit, ut Sacramentum hoc magnum in omni sanctitate suscipere valeat. 5-o. Quod antequam suscipiat, Confessarium consulat, sint nec ne per generalem totius vitae Confessionem praeteritae noxae rursus expiandae. XV. Cum aliqua ex Filiabus SS. Cordis nupserit, reliquae S. Communionem offerant ac pro ea Coronam recitent, illam Deo commendantes. XVI. Quod si aliqua in osculo Domini requieverit, ceterae ad sepulchrum Cadaver simul comitabuntur, et quamprimum pro ejus anima Communionem offerent, ac ter Coronam dicent, aliasque praeterea preces coram Deo fundent, quas cuique Christianae charitatis ardor afflabit. Formula Oblationis qua Filiae SS. Cordis Jesu in Sodalitatem primo cooptantur. Suavissime mi Jesu, qui omnibus hominibus in Corde tuo Sacratissimo, tutum acceptumque refugium patere voluisti, me famulam tuam misellam tibi humiliter dedico, totisque animae viribus consecro. Ita me, quaeso, divinum Cordis tui robur et gratia communiat, ut quodcumque peccatum semper et ubique fugiam, ut amore tuo magis magisque accendar, ut Puritatis florem quo tantopere delectaris, sollicite custodiam, ut eas tandem virtutes, quibus maxime egeo, ab illo infinitae Charitatis fonte haurire possim. — Quam sanctissimam metam ut assequar, coram B. Virgine Maria et Curia coelesti universa, me hodie Sodalitati SS. Cordis Jesu adscisco atque mancipo, ea voluntate et intentione ut ejusdem piae Sodalitatis regulas et exercitia omnia exacte impleam, utque hinc animae meae saluti consulam et proximorum, quos Cordis tui infinito amore redemisti Amen. Inscripta fuit die...... Praefectus, seu Rector etc. Jaurini, die 16. Octobris 1866. JÜ cholerae morbo, qui in magna Dioecesis parte, et multis in locis ingenti cum vehementia grassatur, die 11. curr. decessit Carolus Sumich, parochus in Kopháza, postquam Sacramenta moribundorum piissime suscepisset, et animam suam Deo Creatori impensissime commendasset. Vixit annos 55, in Sacerdotio 31, parochiam rexit annis 29. Ultimae voluntatis tabulis quas SS. Canonibus plene conformes condidit, multa reliquit pia legata pro missis in refrigerium animae suae in perpetuum offerendis, pro titulis Dioecesanis, et Missionibus Africana et Americana. Universalem autem residuae ab exsolutis legatis substantiae suae haeredem scripsit Ecclesiam, cujus Altari deservivit. Memoria ejus in benedictione erit, cujus animam solitis ad aram suffragiis commendo. Pro vacante autem parochiali beneficio Kopházensi hisce concursum usque 15. Novembris h. a. duraturum publico. Jaurini, die 16. Octobris 1866.
