A Győri Püspökség Körlevelei, 1865
Tartalomjegyzék
61 tarnen bonis operibus inhaerendo, commissos excessus plangendo, quantum valueris, corporis tui habitaculum Deo mundum templum exhibueris“ De quo rescripto disserens Baronius ad annum 1073 subdit: „Ut appareat Sedis Apostolicae indulgentias illis communicari, qui quantum suppetunt vires, bene operari non praetermittunt: non autem ignavis, otiosis ac negligentia torpentibus.“ Unde praeclare Bellarminus notat: 30) „Sic accipiunt prudentes christiani pontificias indulgentias, ut simul etiam studeant dignos poenitentiae fructus ferre, et pro suis peccatis Domino satisfacere.“ Reliquum est, ut Benedicti XIV. verba usurpantes 3I) „sacros Christi ministros, ejusque sacramentorum dispensatores enixe studioseque admoneamus, ut demandandum sibi laborem pro fratrum infirmorum curatione et salute alacriter suscipiant, ac pro ipsius Christi Domini, ejusque sponsae Ecclesiae caritate, strenue et constanter exerceant, memores illius, cujus vices gerunt, Pastoris boni, qui non labores solum longissimo intervallo majores sustinuit, sed vitam quoque suam posuit pro ovibus suis; cujus nimirum immensae caritatis cooperatores se fieri, maximo lucro suo deputare debebunt, amplissi- mamque mercedem ab eo sperare, quam ipse omnibus, qui sibi ministraverint, retributurum spopondit. Omnes itaque ad sacramenti poenitentiae saluberrimum et necessarium lavacrum accurrentes benigne excipiant, patienter audiant, instruant, moneant; et facultates sibi collatas in eorumdem poenitentium solidum bonum, in aedificationem, non in destructionem, quo scilicet fideles dispensatores inveniantur, abhibeant.“ Praesentibus annexas simul dimittimus litteras pastorales, idiomate bungarico et germanico ad fidelem dioecesis nostrae populum exaratas, e quibus is praeter doctrinam catholicam de Indulgentiis intelligat, quo inimicorum Sedis Apostolicae consilia, malaeque artes tendant; utque eo intellecto, in pietate ac officio erga supremum Ecclesiae Pastorem confirmetur, et contra structas undique fidei suae insidias praemuniatur. Litteras has a DD. Curatis Jubiliaeum annuntiaturis in ecclesia ex ambone legi volumus; quod dum facient, nonnulla de causis concessi Jubilaei et conditionibus sub quibus fideles coelestem hunc thesaurum proprium sibi reddere possint, apposite adjiciant, oportet. Quia vero praesentes nostras pastorales litteras hac Paschatis die, quam fecit Dominus, ad Vos dimittimus, cohiberi non possumus, quin ex animo precemur, ut gloriosissimae Resurrectionis solemnia, quae agimus, Vobis omnibus prospera eveniant. Memores simus illius apostoliéi moniti: „Si consurrexistis cum Christo, quae sursum sunt, quaerite; quae sursum sunt, sapite.“ 32) Quaeremus autem: si constituti super gregem Domini pastores, vitiis extirpandis, et plantandis virtutibus debitum adjecerimus studium ac zelum; sapiemus: si verbo et exemplo velut lucerna super candelabrum posita, gregi nobis commisso ita praeluxerimus, ut videantur opera nostra bona, et glorificetur Pater, qui in coelis est; cumque Christus apparuerit, et nos appareamus cum Ipso in Gloria. Datum Jaurini Dominica Resurrectionis D. N. J. C. die 16. Aprilis 1865. Joannes m. p. Episcopus. 30) Controvers. tom. 2. lib. 5. c. 12. — 31) Const. Convocatis, n. 67. — 32) Colos. 3. 1. 12
