A Győri Püspökség Körlevelei, 1865
Tartalomjegyzék
110 täte, atque ad ulteriora procedi concessimus, quin esset necesse ad alterius miraculi pervestigationem venire. Illud supererat, ut memoratae Congregationis Cardinales rogarentur, num tuto procedi posse censerent ad Beatorum honores Venerabili Joanni decernendos. Quare sexto Idus Aprilis vertentis anni coram Nobis eadem Cardinalium Congregatio coacta est, auditisque Consultorum suffragiis, unanimis censuit, Venerabilem Joannem Beatum posse declarari, cum omnibus Induitis, donec ejusdem Canonizationis solemnia celebrentur. Nos porro a Patre luminum superno auxilio antea implorato, de ea re Decretum edidimus sexto Nonas Maias anni vertentis. Jamvero ut hac miserrima aetate tot perfidorum insidiis circumventae juventuti absolutum proponamus exemplar ad imitandum, et caelestem ei quaeramus Patronum, cujus ope ac tutela a tot fraudibus evadat incolumis, et vero etiam permoti precibus universae Societatis Jesu, de memoratae Congregationis Cardinalium consilio et assensu auctoritate Nostra Apostolica harum Litterarum vi facultatem facimus, ut Venerabilis Dei Famulus Joannes Berchmans Societatis Jesu Beati nomine in posterum nuncupetur, ejusque lipsana seu reliquiae, non tamen in solemnibus supplicationibus deferendae, publicae fidelium venerationi proponantur, et imagines radiis decorentur. Praeterea eadem auctoritate Nostra concedimus, ut de illo recitetur quotannis Officium et Missa de Communi Confessorum cum orationibus propriis per Nos approbatis juxta Rubricas Missalis et Breviarii Romani. Hanc vero Officii recitationem, Missaeque celebrationem fieri dumtaxat concedimus Romae, et in ejus Districtu, nec non in Dioecesi Mechliniensi, Templisque omnibus ac religiosis Domibus Societatis Jesu Idibus Augusti ab omnibus Christifidelibus, qui horas Canonicas recitare teneantur. Et quod ad Missas attinet ab omnibus Sacerdotibus, tam saecularibus quam Regularibus, ad Ecclesias, in quibus festum agitur, confluentibus. Denique concedimus ut anno ab hisce Litteris datis primo solemnia Beatificationis Ven. Joannis Berchmans in Templis supradictis celebrentur cum Officio et Missis duplicis majoris ritus, quod quidem fieri praecipimus die per ordinarium indicenda, ac postquam eadem solemnia in Basilica Vaticana fuerint celebrata. Non obstantibus Constitutknibus et Ordinationibus Apostolicis, ac Decretis de non cultu editis, ceterisque contrariis quibuscumque. Volumus autem, ut harum Litterarum exemplis etiam impressis, dummodo manu Secretarii supra- dictae Congregationis subscripta sint, et sigillo Praefecti munita, eadem prorsus fides in disceptationibus etiam judicialibus habeatur, quae Nostrae voluntatis significationi hisce Litteris ostensis haberetur. Datum Romae, apud S. Petrum, sub Annulo Piscatoris, die IX. Mensis Maji, anno MDCCCLXV. Pontificatus Nostri an. XIX. N. Card. Paracciani Clarelli. 'x rnnilßUii/n; J onobßv -ίοπόΥ aodrnp .aücfiínt Jaurini, die 6. Octobris 1865.
