A Győri Püspökség Körlevelei, 1865
Tartalomjegyzék
107 JTr. jrr. a . . íOt ' 1 '1. öuper dubio, an stante approbatione yirtutum et miraculorum tuto procedi possit ad Venerab. Servi Dei Joannis Berchmans S. J. Beatificatipnem ? sub 2. Maji a. c. sequens editum est S. Rituum Congregationis .Decretum : Cum adhuc junior esset Venerabilis Joannes Berchmans, quaesivit in oratione justitiam et ante templum postulavit sapientiam et laetatum est cor ejus, quoniam adin- venit illas. Ideo ambulavit pes ejus iter rectum a juventute sua et ad Familiam, in nomine J esu congregatam, direxit animam suam, ubi multam invenit sapientiam, multumque profecit in ea et in perfectione illius confirmatus est. At modicum laboravit Joannes, quia juventus ejus celerius consummata est et de hoc saeculo eductus, ac inter caelites computatus immarcescibilem gloriae coronam accepit. Cum autem temporibus praesertim hisce nostris juvenum voluntates ad cujus- libet auctoritatis jura proculcanda incitentur, Deus Omnipotens innocentissimi juvenis hujus exemplo, quam leve ac suave simul esset perfectionis evangelicae jugum, mundo ostendere voluit; proindeque eum prodigiorum virtute condecoravit. Quapropter cum prodigia haec ad gravissimum Sacrorum Rituum Congregationis examen vocata fuissent, tertio Kalendas Martii anni hujus Sanctissimus Dominus Noster PIUS PAPA IX. rite pronuntiavit: Constare de tribus Miraculis intercessore Venerabili Joanne Berchmans a Deo patratis; atque adeo procedi posse ad ulteriora, quin opus sit ad alterius Miraculi discussionem devenire. Rebus sic stantibus illud tantum supererat, ut penes eamdem Sacrorum Rituum Congregationem agitaretur Dubium : An stante approbatione Virtutum et trium Miraculorum, tuto procedi possit ad solemnem Venerabilis Joannis Berchmans Beatifica,tionern f Quod sane praestitit Reverendissimus Cardinalis Carolus Augustus de Reisach, cum in Comitiis Generalibus coram Sanctissimo Domino Nostro in Palatio Vaticano habitis sexto Idus Aprilis vertentis anni tum Consultores tum Patres Cardinales, qui illuc convenerant, de hoc dubio interrogasset. Et omnes in affirmativam ivere sententiam. Attamen gravissimum hujusmodi judicium suprema claudere sententia sua distulit Beatissimus Pater, ut interim effusis precibus majora sibi a Patre luminum auxilia compararet. Denique hac recurrente die, Sancto Athanasio Ecclesiae Doctori praestantissimo sacra, Sanctissimus Dominus Noster, postquam in suo ad Vaticanas aedes Oratorio divina mysteria devotissime celebrasset, hanc petiit Sancti Athanasii Collegii Graecorum Ecclesiam, ubi ad se accitis Reverendissimo Cardinali Constantino Patrizi Episcopo Portuensi et Sanctae Rufinae, Sacrorum Rituum Congregationi Praefecto, simulque Reverendissimo Cardinali Carolo Augusto de Reisach Causae Relatore, una cum R. P. Petro Minetti Sanctae Fidei Promotore et me infrascripto Secretario, iisque adstantibus decrevit: Tuto procedi posse ad solemnem Venerabilis Servi Dei Joannis Berchmans Beatificationem. 21 Nr. 2846. Beatificatío Venerabilis Servi Dei Joannis Berchmans S. J.
