A Győri Püspökség Körlevelei, 1863
Tartalomjegyzék
59 Wr. IX. Jjaetissimas de abundantia frugum, reliquorumque vitae sustentandae mediorum spes, quas ineunte vere agricolae conceperunt, nimia siccitas vix non evertit, cujus tristia consectaria in magna Regni parte jam nunc visuntur, pro futuro autem corda popularium moerore ac angoribus replent. Nostram est FF. et FF. Deum Optimum assidue deprecari, ut operiat coelum nubibus, et non tantum paret sed tribuat etiam terrae pluviam, portas coeli aperiat, riget montes de superioribus suis, ac de fructu operum suorum satiet terram. Nostrum est orare Deum, ut procul abscedat incursio turbinum, calamitas tempestatum, fragor grandinum, percussio fulminum; ut fugatis omnibus contrariae potestatis virtutibus, fruges manus servet angelica, et nos praesentibus subsidiis sufficienter adjuti, sempiterna fiducialius appetamus. Praesentibus itaque dispono, ut Sacerdotes omnes tam seculares quam regulares quolibet die, quo id rubricae admittunt, in Missa sumant collectam „pro pluvia.“ DD. Parochi autem post Missam parochialem et Litanias cum fideli populo ad hanc intentionem orent ter orationem Dominicam et toties salutationem angelicam addita oratione Ecclesiae pro pluvia „Deus in quo vivimus, movemur et sumus “ etc. Jaurini, die 7. Junii 1863. Jjudirectores salarium, aliaque emolumenta, quae vi fassionis scholaris, aut contractus a communitate, vel ejus membris percipiunt, posthac non ipsi colligent, sed a primoribus communitatis collecta ab his accipient. Obligationem salarium et alia emolumenta ludi- rectoribus debita colligendi, primoribus communitatum imposuit R. Locumtenentiale Consilium ope intimati ddto 20. Maji hujus anni Nr. 9830 ad Comitatus et L. R. Civitates exarati. Quam salutarem atque ad alleviandam quadamtenus ludirectorum conditionem tendentem dirigentis Regni Dicasterii dispositionem DD. Parochi ad ludimagistrorum notitiam perferre non morentur. Jaurini, die 7. Junii 1863. R. Locumtenentiale Consilium per Intimatum ddto 23. Maji h. a. Nr. 35170 dimissum significat, permissum fuisse, ut opusculum, quod Ladislaus Fellner, docens Pestiensis, in schola parochiali Pestiensi ad S. Josephum sub hoc titulo vulgavit: „Szemléltető, vagyis segéd-könyv a szemléltetéshez, szülők, nevelők, tanitók, tanitó-jelöltek és kisded-óvók használatára, a szerző sajátja. Pest, Miiller Emil könyvnyomdája'* elencho subsidiariorum hbrorum pro scholis elementaribus superioribus, et praeparandialibus inscriberetur. Id quod hisce ad concernentium Directorum et docentium notitiam perfertur. Jaurini, die 7. Junii 1863. Nr. 1899. Preces pro pluvia indicuntur. Nr. 1900. Salarium aliaque ludi— rectorum emolumenta colligere tenentur primores communitatum. Nr. 1901. Ladislai Fellner opusculum „Szemléltető11 approbatur. 13
