A Győri Püspökség Körlevelei, 1862
Tartalomjegyzék
16 damno et sine ullo alio peculiari impedimento romanum iter tempestive aggredi existimaverint, ut Consistoriis, tantaeque celebritati interessé queant. Ceterum hujusmodi ad Urbem profectio, quando eam inire licuerit, perinde ex SSmi Domini Nostri mente valebit, ac si ad implendum Sacrorum Liminum visitationis onus inita fuisset. Haec habe de mandato Sanctitatis Suae. Ego vero impensos observantiae meae sensus testatos velim Ampl. Tuae Romae ex S. Cong. Concilii die 18. Januarii 1862. Uti Frater Stud. P. Card. Caterini Praef. Petrus Archiep. Sardianus pro Secretarius. Jaurini, ddto 21. Februarii 1862. Nr. 783. Paradigmo testimoniorum scholasticorum altiore loco praescriptum. Uniformitatem in exarandis testimoniis super profectu scholam dominicalem frequentantis juventutis introducere volens Exc. Consilium R. Lottale Hung. ope Intimati ddto 12. curr. Nr. 5505. paradigma hujusmodi testimoniorum praescripsit et Typographiam R. Scientiarum Universitatis Pestiensis eo inviavit, ut schemata testimoniorum non aliter, quam secundum praescriptum paradigma imprimeret ac venderet. E communicato me- cum paradigmate liquet, textum testimoniorum esse vel pure hungaricum, pro illis nimirum scholae Directoribus, qui testimonia scholastica hac duntaxat sola lingva exaraturi sunt, vel esse hungarico-germanicum pro germanici labii, vel hungarico-slavicum pro slavici labii scholis e. s. p. Dispositiones has ad textum quoque testimoniorum pro scholis realibus et normalibus praescriptorum extendere placuit praelaudato Dirigenti Regni Dicasterio. Quod praesentibus ad eorum, quorum interest, notitiam perfero. Jaurini, 21. Februarii 1862. Nr. 784. In IV. Classe superioris scholae elementáris ars latiné legendi docenda. Observatum fuit, quod alumni, qui e quarta Classe scholarum normalium ad primam classem gymnasialem transeunt, latiné legere non sciant, atque in hac arte cum dispendio temporis, aliis studiorum objectis destinati, instrui, exercerique debeant. Itaque in obsequium Intimati ab Exc. Consilio Regio Lottali ddto 27. Januarii h. a. Nr. 3313. ad me dimissi, cunctis scholarum elementarium Superiorum Directoribus strictam obligationem imponendam habeo, et praesentibus impono, procurandi, ut scholares quartae normalis classis artem latiné legendi exactius, ac adusque factum est, doceantur, in eademque diligentius exerceantur. Jaurini, die 21. Februarii 1862. Joannes m. p. Episcopus.
