Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
sehen lassen. Darüber den khauf also, d[as] er ime zu gewin dreyvnndzwainzig taller geben welle beschlossen. Nun sey er derselben gannzen summa biß auf ain hundert fünfzig taller bezalt die ime beclagter vmb der zwayer oxen willen, die er doch vorm khauf weckh gethan, vnnd ime nit merers wie vorgemelt, vnnd was er gesehen zukhauffen geben, aufhalten thue, bittet derwegen zuerkhennen beclagter sey schuldig ime den ausstendigen vnnd völligen resst zuerlegen, dargegen Missarusch Mattiasch fürgewendet, clager habe denn Toboy Benedicten seinen hanndtgesellen, vnnd ime bemelte suma oxen allermassen vnnd eben die, so er zu Raab khaufft, herauf zutreiben, vnnd für andere widerfahrn zulassen zuegesagt, allain solte er ime etwas zugewin gebenn, wie er das viech heroben gesehen, habe er mit ime clager beschlossen, das er ime ja wie er anzaigt dreivnnd zwainzig taller Überschuß gebenn wolle, vnnd auch also die ganze summa biß auf bemerte ain hundert fünfzig taller bezalt, die er ime derhalben aufhalte, das die zwenn oxen beim zuegesagtem viech gewesen, aber in khauf nit khumen, sondern wie er hernach erindert verändert wordenn, so begere er demnach dem clager denn ausstendigen resst, so lanng vnnd vili nit zuezustellen zubewilligen, biß er ime dieselben oxen zuestelle. Hierauf geben richter vnnd rath zum beschaide, Missarusch Mattiasch solte dem clager die noch Testierende summa gelts bey straf zwenvnnddreissig taller iner acht tagen zuegestellenn, vmb das er ine aber vnzimlichen bey gericht andasst vnnd einen zigenier so vili alß einen verlognen mann gescholten, solle er ime darfür ein christliches abbitten thain, vnnd zur straff deswegen fünf taller vnableslichenn vnnd alspaldten nider zulegen, vnnd also beede partheyen solliches also vngeäffert in ruee bleiben zulassen eingesagt vnnd beuolchen wordfen]. Actum denn erstenn augusti a[nno] [etc.] [15]82 ist[en], 116. (I. 155.V.) Auf anhaltenn vnnd begern Zschapar Imbre, ist Fäihr Janusch ein Allfedi wegen eines bey Frennz burger alhie verpotnen gelts auf denn funfzehenden diß, durch gerichtliches schreiben hierher citiert wordenn. Actum denn 1. augusti [15]82 ist[en], 117. (1.155.V,- 156.r.) Herrn statt richter Felixen Seitmann, ist durch einen ersamben rath auf sein bitliches anbringen, zur ergözung seiner richterlich[en] bemiheung vnnd verantworttentlichen ambtslasst, zum leutgeben vierzehen tag paann zuhalten, bewilliget word[en]. Actum denn ersten augusti an[no] [15]82 ist[en], 1582. augusztus 15. 118. (1.156.r.) Vlrich Mötschl vonn zlzhaimb bey Landtshuet büerttig, vnnd Caterina Leonhardten Prassers vonn Judenburg tochter, vnnd Wolfen Prägls eines Schmidts weib, sein an heüt dato durch richter vnnd rath wegen gepflegter vnzucht vnnd ehebruch, so sy miteinander getriben vnnd zuegehalten, inansehung das sy schwanger, vnnd beede elendt sein, zur güettigen straf hinweckh vnnd von dannen geschafft wordenn. Actum denn funffzehenden aug[usti] a[nno] [ 15]82 istfen]. 140
