Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
biß er denn Zschorny Nicloschen vonn Peillerstorff so hierzue sein hanndtgesell sey, zur orndtlichen raittung bring, dann er verhalte sich allenthalben vor ime, er wolte sonnsten den Alfedi seinen thail gern zallen, vnnd erwinde also allain am Zschorni. Nun seye er herr clager vom Zschorne, mit deme er von disem hanndl darüber geredet, so vili bericht worden, wie er denn Horbat Georgen angesprochen worumben er ime die schuldt gebe, alß khünde ern nit finden vnnd zur raittung bringen, so ern doch woll öffter gesuecht habe, dann er inne Zschorne, solle beclagter geantwort habenn, wannß sein richter also rede, so sage er wie ein verlogner mann, weillen er herr clager sollich des beclagten vor ime beschechnes anbringen vnnd bitt dann zubeweisen, vnnd derhalben vnpillichenn geschmacht wordenn, so bitte er was recht ist zuerkhennen vnnd zu beuelchen. Entgegen beclagter Horbat Georg vermeldet, er habe nit also geredet, auch nit herrn clager wie inne Zschornne vnrecht berichtet sonndern denn Zschornne Nicloschen selbsten vnd verstanndtner massen liegen haissen, der habe gelaugnet das ern gesuecht, vnnd thue ime also vnrecht. Geben hierauf angesezter richter vnd rath, zum beschaidte, es sey hiemit herrn clager sein angepotne weißung zuegelassenn, vnnd solle alßdann auf beeder, oder aller thaill verer fürbringen die weitter notturfft vnd was recht sein wierdet, gehanndlet werd[en]. Actum den 14 martifi] anno [etc.] [15]82 ist[en]. 89. (I. 123.r.-123.v.) Disen bemelden tag, stelt herr richter wider Horbat Georgen nachbenanten zeugen für. Ambroß Hainz burger alhie, sagt Horbat Georg, habe in ja, zu herrn richter zugehen vnnd vmb so vili zu bitt angesprochen, inne biß er sich mit dem Zschornne Nicloschen von Peillerstorff, den er niergendt antreffen khünde, diser hanndlung halben, darzue er sein handtgesell sey, verraitte, ledig vnnd auf freyen fueß zulassenn, vnnd auch etlich mallenn vermeldet das es allain an disem vnnd nichte andern erwunden sey, also vnnd wie herr richter selbst in disem vermeldet, habe es sich begeben. 1582. március 26. 90. (I. 124.r.) Stasstl Khümerl burger vnnd Schlosser alhie, vnnd Margaretha seiner hausfrauenn, haben richter vnnd rath, nach verschinen tag Jacoby des achzigisten jars, von weillenndt Jacoben Khlainrats verlassungen, gegen dem gepreuchig vnnd gewöndlichen interessé vierzig taller oder gulden hungerisch, dargelichen vnnd fürgestreckht, darumben sy an heüt dato beede mit samet vnnd sonnderlicher Verschreibung, ein genuegsamben gefertigen schein vnnd bekhantnuß vnnder gericht erlegt haben. Actum den 26 marty anno [etc.] [15]82 ist[en]. 127
