Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
darumben in das gewenndlich glüb genumen worden. Actum denn zwelften februarifi] anno [etc.] [15]82 ist[en], 78. (1.115.V,-116.r.) Naigdt Istuan burger vnnd hanndlßmann alhie, ist hiemit durch richter vnnd rath auferlegt, sein anzaigen, das Missarusch Mattiasch, auch burger vnnd hanndlßmannß daselbsten handl, mit Colman Tomasch von Wislburg getriben werde, auf negsten ratstag gewislichen zubeweisenn, vmb das aber er gmainer stat freyhaiten zuwid[er] mit einem Hallasser gehandlet, wierde ine das g[eric]ht dahin er nunmehr erkhennt zustraffenn wissen. Actum denn zwelft[en] february anno [etc.] [15]82 ist[en], 79. (I. 116.r.) Christoff Wolffenn Schneider alhie, ist von richter vnnd rath auf sein suppliciern, von dem gelt so etwo Phillip Weidlinger zur armen notturfft vertestiert, gegen genugsamber Verschreibung seines hauß dreissig taller zu leichen bewilligt worden. Actum denn 12 february anno [etc.] [15]82 ist[en]. 80. (I. 116.r.) Durch richter rath vnnd gemain, ist Lorenz Geiger des innern rats, vnnd Matheß Hauer, beede burger, biß zum wein bestanndt, zu weinherrn verordtnet, vnnd des jenige vermiig des anschlags einzufordern vnnd zuuerraitten beuolhen word[en]. Actum denn 12. february a[nno] [etc.] [15]82 ist[en], 81. (1.116.V.-118.r.) An heut dato habenn Gabriel Schwarz, vnnd Secerusch Marthann, beeder gmainburger, vonn dem verschinen ainvnndachtzigistenn jahr der gannzen ersamben gemain ornndtliche raittung gethann, vnnd ist innen laut derselben die gemain, weillen die außgab den emphanng übertroffenn zu ruckh p[ro] ressto verblieben, neunvnndvierzig guldenn zwenvnndzwainzig phennig hung[erisch]. Sein demnach hiemit von diser irer raittung, daran die gemain ein guet benüegen getragen, vnnd woll zufriden gewesenn allerdings frey vnnd ledig zeit. Also auf diß zwayvnndachtzigiste jar verer bestattet, vnnd innen in emphanng daruon sy sich ires ausstandts bezalt machen mügén übergebenn vnnd weutter beuolchen word[en], wie hernach volget, erstlichenn in einem parthicular alte gabenn, die bringen zusamben, ohne die vngewissen schuldenn, so mann mit ganzer bewilligung cassiert vnnd wegckh gethan, fünffvnndachzig guldenn sechsvnndfunffzig phennig hungerisch, das verfallen ainvnndachzig järigen maidtgelt, so inhalt verzaichnuß bracht sechzehen guldenn, vonn denn gewesten weinherrn Hannsen Gaba, vnnd Gregorn Öchsl, denn ausstendigen resst neun gulden sechtzig phennig hung[erisch], vom teutschenn zechmaister Friderich Hoffmann, sibenn gulden sechzig phennig hungferisch], 124
